“ඇමෙරිකානු විවිධත්ව වීසා ලොතරැයිය” සම්බන්ධ පණිවුඩ ව්‍යාජයි

ඇමෙරිකා එක්සත් ජනපදයේ විවිධත්ව වීසා වැඩසටහන සම්බන්ධයෙන් පසුගිය දිනවල ෆේස්බුක් සහ වට්ස්ඇප් විවිධාකාරයේ පණිවුඩ හුවමාරු විය. 

ඒවා පිළිබඳ විමසීමේදී, මේ බොහෝමයක් වංචාකාරී, මහජනතාව නොමඟ යවන ආකාරයේ සහ ජනතාවගේ තොරතුරු එක් රැස් කරන ඒවා  ඒවා බව සොයාගැනීමට හැකියාව ලැබිණි. 

ෆේස්බුක් සහ වට්ස්ඇප් ඔස්සේ ඇමෙරිකානු ඇමෙරිකා එක්සත් ජනපදයේ විවිධත්ව වීසා වැඩසටහන සම්බන්ධයෙන් සංසරණය වන පණිවුඩය සමඟ සබැඳි (Link) හුවමාරු වූ අතර ඒවා බොහෝමයක් ව්‍යාජ සහ වංචාකාරී ඒවා විය. 

ෆේස්බුක් සහ වට්ස්ඇප් ඔස්සේ සංසරණය වූ පණිවුඩවල ස්ක්‍රීන්ෂොට්ස් 

ඒවායේ සබැඳි (Link) ක්ලික් කළ විට ලැබෙන වෙබ් පිටුව. 

ඇමෙරිකා එක්සත් ජනපදයේ විවිධත්ව වීසා වැඩසටහන ‘ග්‍රීන් කාඩ්’, ඇමෙරිකානු වීසා ලොතරැයිය යන නම්වලින් ද හැඳින්වේ.

මේ සම්බන්ධයෙන් වන නිල තොරතුරු පළ කරන්නේ ශ්‍රී ලංකාවේ ඇමෙරිකා එක්සත් ජනපද තානාපති කාර්යාලය පමණි.

ඇමෙරිකා එක්සත් ජනපදයේ විවිධත්ව වීසා වැඩසටහන සම්බන්ධයෙන් ව්‍යාජ ඊමේල් පණිවුඩ ලැබිය හැකි යැයි ඇමෙරිකානු තානාපති කාර්යාලය ද පණිවුඩයක් යොමු කරමින් ජනතාව දැනුවත් කර ඇත. 

මෙම වීසා වැඩසටහන සම්බන්ධයෙන් ඇමෙරිකා එක්සත් ජනපද තානාපති කාර්යාලයේ වෙබ් අඩවියට පිවිසීමෙන් තොරතුරු ලබාගත හැකි ය. 

මෙතැනින්, https://lk.usembassy.gov/visas/immigrant-visas/diversity-visa/2020-dv-lottery-program/ 

කෙටි සබැඳිය, https://tinyurl.com/ykask9kh 

මෙම වීසා වැඩසටහන සම්බන්ධයෙන් ඇමෙරිකානු තානාපති කාර්යාලය සිංහල, දෙමළ සහ ඉංග්‍රීසි යන භාෂාවලින් ද උපදෙස් ලබා දී තිබේ.

සිංහල භාෂාව සඳහා මෙතැනින්, https://lk.usembassy.gov/wp-content/uploads/sites/149/DV-2022-Sinhala-translations.pdf 

මේ පමණක් නොව පසුගිය කාලයේ එන්නත්කරණය, බැංකු, අන්තර්ජාල සේවා, ජංගම දුරකතන සේවා සහ අන්තර්ජාල පහසුකම් යනාදිය සම්බන්ධයෙන් ව්‍යාජ පුවත් රැසක් සමාජ ජාල හා පණිවුඩ ජාල ඔස්සේ හුවමාරු විය.

මේවා බොහෝමයක අරමුණ වූයේ ජනතාවගේ පෞද්ගලික තොරතුරු එක්රැස් කිරීම සහ වංචා සිදු කිරීම ය. 

මේ ආකාරයේ වැඩසටහන් හෝ යම් කිසි දෙයකට තොරතුරු විමසන සෑම අවස්ථාවකදීම ඊට අදාළ නිල ආයතනයේ නිල වෙබ් අඩවිය, ෆේස්බුක් හෝ නිල (verified) සමාජ මාධ්‍ය ජාල හා ඒවායේ පිටු (pages) යනාදිය පරීක්ෂා කර අදාළ තොරතුරු තහවුරු කරගැනීම ඉතා වැදගත් ය.

ඒ නිසා මේ ආකාරයේ යම් පණිවුඩයක් දුටු විගස ඒවායේ සබැඳිවලට (link) පිවිසීමට පෙර ඒවායේ නිරවද්‍යතාව පරීක්ෂා කර බැලීමටත්, ඒවා සමඟ පෞද්ගලික තොරතුරු හුවමාරු කර නොගැනීමටත් පරෙස්සම් විය යුතු ය. 

‘කොවිඩ්-19’ වසංගතය හේතුවෙන් බොහෝ ක්‍රියාකාරකම් සිදුවන්නේ අන්තර්ජාලය ඔස්සේ ය. බිල්පත් ගෙවීම්, අත්‍යවශ්‍ය ද්‍රව්‍ය ගෙන්වා ගැනීම යනාදි සියල්ල සිදුවන්නේ අන්තර්ජාලය ඔස්සේ ය. මේ සියල්ල සඳහා අවශ්‍ය අවම තොරතුරු ප්‍රමාණයක් තිබේ. එම තොරතුරු ප්‍රමාණය ඉක්මවා යන්නේ නම් ඒ සම්බන්ධයෙන් විමසිලිමත් විය යුතු ය. 

එමෙන්ම තමන් තොරතුරු ලබාදෙන්නේ කාට ද ? ලබාදෙන තොරතුරු මොනවාද ? තොරතුරු ලබාගන්නා පාර්ශවය ලියාපදිංචි හෝ පිළිගත් ආයතනයක් යනාදිය සම්බන්ධයෙන් ද විමසිලිමත් විය යුතු ය. 

Share this post

Related Projects

Fact Check

FACT CHECK : රාජ්‍ය නිලධාරීන්, දේශපාලඥයන් විශ්වාස නැති නිසා ලෝක බැංකුව සෘජුවම දිළිදු සහන බෙදයි ද?

“නිලධාරීන් දේශපාලනඥයන් විශ්වාස නැති නිසා ලෝක බැංකුව සෘජුවම දිළිදු සහන බෙදයි” යන සිරස්තලය යටතේ සැත්තැම්බර් මස 04 වන දින ඉරිදා …

Fact Check

FACT CHECK : ஏப்ரல் மாதத்தில் இலங்கைக்கு 129,000 சுற்றுலாப் பயணிகள் வந்தார்களா?

“கடந்த ஏப்ரலில் மாத்திரம் எங்கள் சுற்றுலாப் பயணிகளின் வருகை 129,000 இருந்தது” என ஆகஸ்ட் 25ஆம் திகதி நாடாளுமன்ற உறுப்பினர் எஸ்.பி.திஸாநாயக்க தெரிவித்த கருத்து பொய்யானது. கடந்த …

Fact Check

FACT CHECK : අප්‍රේල් මාසයේ දී ශ්‍රී ලංකාවට   සංචාරකයන් එක්ලක්ෂ විසිනමදාහක්?

“පහුගිය අප්‍රේල්වල අපේ සංචාරකයන්ගේ පැමිණීම එක්ලක්ෂ විසිනමදාහක් වුණා. අප්‍රේල්වල විතරක්” යැයි පාර්ලිමේන්තු මන්ත්‍රී එස්.බී.දිසානායක මහතා අගෝස්තු 25 වැනිදා කරන ප්‍රකාශය …

Fact Check

FACT CHECK : அவசரகாலச் சட்டம் இலங்கையில் உள்ள LGBTIQ+ சமூகத்திற்கு அச்சுறுத்தலாக இருந்ததா ?

பதில் ஜனாதிபதியாக நியமிக்கப்பட்ட ரணில் விக்கிரமசிங்க,விசேட வர்த்தமானியொன்றின் மூலம் கடந்த ஜூலை மாதம் 17ஆம் திகதி நாட்டில் அவசரகாலச் சட்டத்தை அமுல்படுத்தினார். குறித்த அவசரகால சட்டம் தொடர்பில் …

Fact Check

FACT CHECK : ශ්‍රී ලංකාව තුළ LGBTIQ+ ප්‍රජාවට හදිසි නීතිය තර්ජනයක් වුණා ද?

වැඩබලන ජනාධිපතිවරයා ලෙස පත් වූ රනිල් වික්‍රමසිංහ මහතා 2022 ජූලි 17 වැනිදා අති විශේෂ ගැසට් පත්‍රයක් මඟින් රට තුළ හදිසි …

Fact Check

FACT CHECK : Did the Central Bank Governor make a statement stating “Inflation is not a problem, it is the perfect solution”?

Sri Lanka is currently facing an acute economic crisis. One of the main issues is the high inflation. As announced …