ජවහර්ලාල් නේරු සමඟ සිටින්නේ එඩ්විනා මවුන්ට්බැට්න් ද ?

ඉන්දියාවේ හිටපු අග්‍රාමාත්‍ය ශ්‍රී ජවහර්ලාල් නේරුගේ පෙම්වතිය එඩ්විනා මවුන්බැට්න් යනුවෙන් ද, මෙරට හිටපු අග්‍රාමාත්‍ය එස්.ඩබ්ලිව්.ආර්.ඩී. බණ්ඩාරනායක සහ පාකිස්තානයේ හිටපු අග්‍රාමාත්‍ය මොහොමඩ් අලි ජින්නා සම්බන්ධ කරගනිමින් පළවන සඳහනක් පසුගිය දින කිහිපයේදී ෆේස්බුක් සමාජ මාධ්‍ය තුළ, විශේෂයෙන්ම පබ්ලික් ගෲප් (පොදු කණ්ඩායම්) තුළ බෙදාහැරීමට (ෂෙයාර් / share) වී තිබිණි.

ශ්‍රී ජවහර්ලාල් නේරු, බුරුමයේ පළමු අර්ල් මවුන්ට්බැට්න් වන ලුවී මවුන්ට්බැට්න්ගේ බිරිඳ වන එඩ්විනා මවුන්ට්බැට්න් සමඟ ප්‍රේම සම්බන්ධයක් පැවැත්වූ බවට ද එම ‘පෝස්ට්’වල සඳහන් ය. ඒ සම්බන්ධයෙන් එඩ්විනා මවුන්ට්බැට්න්ගේ දියණිය වන පැමෙලා ද උපුටා දක්වමින් ඉන්දීය මාධ්‍ය ඇතුළු විදෙස් මාධ්‍ය විවිධ ලිපි කර ඇත.

ඉහත කී ෆේස්බුක් සඳහන (පෝස්ට්/post) තුළ ජවහර්ලාල් නේරු කාන්තාවකගේ මුව තිබෙන දුම්වැටියක් දල්වන ඡායාරූපයක් ද ඇතුළත් ය. එම ඡායාරූපයේ සිටින්නේ එඩ්විනා මවුන්ට්බැට්න් නොව බ්‍රිතාන්‍ය රාජ්‍ය තාන්ත්‍රිකයකුගේ බිරිඳ ය. එම ඡායාරූපය ගෙන ඇත්තේ ඉන්දියාවේ පළමු ඡායාරූප මාධ්‍යවේදිනිය වන හොමායි වියර්වාලා ය. බී.බී.සී. පුවත් සේවය ඒ සම්බන්ධයෙන් ලිපියක් ද පළ කර ඇත. එහි සබැඳිය මෙහි දැක්වේ. https://www.bbc.com/news/world-asia-india-42349710

එම ඡායාරූපයේ සිටින්නේ එවකට ඉන්දියාවේ සිටි බ්‍රිතාන්‍ය මහ කොමසාරිස්වරයාගේ බිරිඳ වන සිමන් මහත්මිය යි. එම සබැඳි මෙහි වේ.  http://www.pibmumbai.gov.in/scripts/detail.asp?releaseId=E2012FR34

දෙවැන්න –  https://www.mensxp.com/special-features/features/76693-5-myths-debunked-on-indias-og-statesman-pandit-jawharlal-nehru.html

හොමායි වියර්වලා වඩාත් ජනප්‍රියත්වයට පත්වූයේ අගමැති නේරු, සිමන් මහත්මියගේ දුම්වැටිය දල්වන ඡායාරූපයෙන් යැයි එහි එක් සබැඳියක පළ වේ. හොමායි වියර්වාලාගේ අභාවයෙන් පසු ඉන්දියාවේ, ප්‍රවෘත්ති තොරතුරු කාර්යාංශය පළ කළ ලිපියේ ඒ බව සඳහන් වේ. 

මෙම ඡායාරූපය සහිත සඳහන (පෝස්ට්/post) එක් අවස්ථාවකදී 2,500කට වඩා වැඩි වාර ගණනාවකදී බෙදාහැරීමට (share) වී තිබිණි.

මෙම ඡායාරූපය ගූගල් (රිවර්ස්) ඉමේජ් සහ ‘ටින් අයි’ (Tin Eye) යන ක්‍රම ඔස්සේ සොයා බැලීමේදී මීට කලින් එය කරුණු පරීක්ෂා (factchecked) කර ඇති බව ද සොයාගැනීමට හැකියාව ලැබිණි.

ඒවායේ සබැඳි

https://www.vishvasnews.com/english/politics/fact-check-woman-in-this-picture-with-nehru-is-not-edwina-the-viral-claim-is-fake/

https://www.mensxp.com/special-features/features/76693-5-myths-debunked-on-indias-og-statesman-pandit-jawharlal-nehru.html

බී.බී.සී. ඡායාරූපයේ විස්තරය – නේරු මහතා බ්‍රිතාන්‍ය රාජ්‍ය තාන්ත්‍රිකයකුගේ බිරිඳ වන සිමන් මහත්මියට දුම්වැටිය දල්වමින්.. 

Share this post

Related Projects

Fact Check

FACT CHECK : நியூசிலாந்து தனது மக்களை இலங்கைக்கு செல்ல வேண்டாம் என்று சொல்லுமா?

இலங்கைக்கு விஜயம் செய்வது தொடர்பில் அந்நாட்டு மக்களுக்கு குறிப்பாக சுற்றுலாப் பயணிகளுக்கு வழங்கப்பட்ட அறிவுறுத்தல்களை நியூசிலாந்து அரசாங்கம் புதுப்பித்துள்ளதை கடந்த சில நாட்களாக அவதானிக்க முடிந்தது. இலங்கைக்கு …

Fact Check

FACT CHECK : Did New Zealand tell its residents not to visit Sri Lanka?

During the past couple of days, it has been observed that posts are being circulated on social media platforms displaying …

Fact Check

FACT CHECK : නවසීලන්තය එරට වැසියන්ට ශ්‍රී ලංකාවට යන්න එපා කියයි ?

ශ්‍රී ලංකාවේ සංචාරය කිරීම සම්බන්ධයෙන් නවසීලන්ත රජය එරට වැසියන්ට, විශේෂයෙන්ම සංචාරකයන්ට ලබාදෙන උපදෙස් යාවත්කාලීන කර ඇතැයි කියැවෙන සටහන් සමාජ මාධ්‍ය තුළ …

Uncategorized

අන්තර්ජාලය වසා දැමීමක් (Internet Shutdown) යනු කුමක්ද?

(දකුණු සහ අග්නිදිග ආසියාතික සිවිල් සමාජයන් සඳහා මාර්ගෝපදේශයකි) URL: https://engagemedia.org/2022/internet-shutdowns-south-southeast-asia/  ඩිජිටල්කරණයට ලක් වී ඇති වත්මන් සමාජය තුළ, අන්තර්ජාලයට ප්‍රවේශ වීම …

Fact Check

FACT CHECK : විෂාදය කියන්නේ බොරුවක් ද?

විෂාදය සම්බන්ධයෙන් මෙලෙස අලුත් වටයකින් කතාබහක් ඇති වූයේ ඇන්ඩෘ ටේට් නැමැත්තා මීට පෙර අවස්ථා කිහිපයකදී විෂාදය සම්බන්ධයෙන් පළ කළ අදහස් …

Fact Check

FACT CHECK : උප්පැන්න සහතික වෙනුවට මරණ සහතික අයදුම්පත් නිකුත් කළා ද?

“උප්පැන්න සහතික අයදුම්පත් අවසන් වී ඇති බැවින් මරණ සහතික අයදුම්පතෙහි උප්පැන්න බව සඳහන් කොට අවශ්‍ය තොරතුරු පුරවන්න”  යනුවෙන් සඳහන් කළ …