හිටපු පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතාගේ යැයි සඳහන් කරමින් පළ වන ඡායාරූප ඔහුගේ නොවේ.

‘කොවිඩ්-19’ වසංගතය වේගයෙන් පැතිර යෑමත් සමඟ ඊට ගොදුරු වන පිරිස ද වේගයෙන් වැඩි වෙමින් තිබේ. 

දෛනිකව වාර්තා වන වයිරස ආසාදිතයන්ගේ ගණන ද වේගයෙන් ඉහළ යන අතර මේ සම්බන්ධයෙන් පළවන සහ සමාජ මාධ්‍යයේ හුවමාරු/සංසරණය වන සටහන්/වාර්තා (Posts) ද ඉහළ යමින් තිබේ. 

සමාජයේ ඉතා ජනප්‍රිය පුද්ගලයන් ද වයිරසය ආසාදනය වී රෝහල්ගතව ප්‍රතිකාර ලබන බව ඉකුත් දින කිහිපයේ දී වාර්තා වේ.

ශ්‍රී ලංකා පොලිසියේ හිටපු පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා ට ද නව කොරෝනා වයිරසය ආසාදනය වී ඇති බව පුවත් වාර්තා කළේය. 

ඒ අතර ම ඔහු‌ගේ තත්ත්වය ආසාද්‍ය බව සඳහන් කරමින් විඩියෝ පටයක් විශේෂයෙන්ම ෆේස්බුක් (Facebook)  ඔස්සේ අද, එනම් (25) හුවමාරු විය.  එම ස්ක්‍රීන්ෂොට්ස් (screenshots) වට්ස්ඇප් ඔස්සේ ද හුවමාරු වී තිබිණි. 

එය මුල්වරට හුවමාරු වූ ස්ථානයක් නිශ්චිතව සොයාගැනීමට නොහැකි වූ අතර “ලස්සන ගවුමේ කඩේ” යන පොදු සමූහයක (Public Group) එය මුලින්ම හුවමාරු වූ බවක් නිරීක්ෂණය විය. කෙසේ නමුත් එය තහවුරු කළ නොහැක. “අඩුම මිලට ඇඳුම්” යන නමින් හැඳින්වෙන ගිණුමකින් (Facebook) එම සමූහයට එය ඇතුළත් කර තිබිණි. 

එම තිර පිටපත පහතින්. 

ඒ පිළිබඳ සොයාබැලීමක් කරන ලද අතර එය ශ්‍රී ලංකාවේ නොවන බව පැහැදිලි විය. 

එය විදේශයක පුද්ගලයකු ඔහු වයිරසය ආසාදනය වී රෝහල් ගතව ප්‍රතිකාර ලබමින් සිටියදී ලබාගත් ඡායාරූප සහ විඩියෝ බව පැහැදිලි වූ අතර එම ඡායාරූප සහ විඩියෝ ‘ටික්ටොක්’ (Tiktok) සමාජ මාධ්‍ය ඔස්සේ ප්‍රසිද්ධියට පත් කර තිබිණි. 

එම ටික්ටොක් විඩියෝවට මෙතැනින්, https://vm.tiktok.com/ZSJv98uAP/

මාධ්‍ය ආයතන සහ මාධ්‍යවේදීන් සිය පෞද්ගලික ගිණුම් ඔස්සේ මෙම වීඩියෝව සහ ඡායාරූප අසත්‍ය යැයි තහවුරු කර තිබිණි. 

මෙතැනින්, https://tinyurl.com/pnb5enk2 

ඉහතින් දැක්වූ ස්ක්‍රීන්ෂොට් (Screenshot) එකට අනුව එය හී ටික්ටොක් (TikTok) පළ වූ එකක් බව පැහැදිලි ය. 

එම ස්ක්‍රීන්ෂොට් (Screenshot) අදාළ පුද්ගලයාගේ භාවිත කෙරෙන නමේ (username) කොටසක් දක්නට ලැබේ. 

එම කොටස ටික්ටොක් (Tiktok) යෙදුමේ යතුරුලියනය (Type) කරද්දි ඔහුගේ ගිණුම පහසුවෙන් සොයාගත හැකි ය. 

ඔහු Tiago Arieiv යන නමින් හැඳින්වෙන පුද්ගලයෙකි. 

හෙතෙම කොවිඩ්-19 ආසාදිතව සිට සුව ය ලබා ඇත. 

අදාළ විඩියෝවේ පරිවර්තනය ලබාගත් විට තමන් කොවිඩ්-19 වයිරසය පරාජය කළ බව ද ඔහු සඳහන් කර ඇත. 

අජිත් රෝහණ මහතාගේ බව සඳහන් කරමින් ඉහත ඡායාරූප සහ විඩියෝව හුවමාරු (share) කළ පුද්ගලයන්ගේ ද්වේශ සහගත අදහසක් නොතිබුණු බව ද පෙනීයන අතර ඒවායේ ඉක්මන් සුව ප්‍රාර්ථන කර තිබිණි. 

මුල් සටහන් (posts) පළ වීමෙන් පසු අඩුම මිලට ඇඳුම් ෆේස්බුක් ගිණුම (Facebook Account) නිවැරැදි කිරීමක් පළ කරමින් නිවැරැදි කිරීමක් ද කර තිබිණි. 

ඒවායේ ස්ක්‍රීන්ෂොට්ස් පහළින්,

අඩුම මිලට ඇඳුම් යන ගිණුම ඉහත සටහන (Posts) සියල්ලම  “ලස්සන ගවුමේ කඩේ” යන පොදු සමූහයක (Public Group) යට ඇතුළත් කර තිබිණි. 

අජිත් රෝහණ මහතාට නව කොරෝනා වයිරසය ආසාදනය වී ඇති බවට වාර්තා කර තිබූ පුවත්වලින් එකක් පහතින් දැක්වේ.

මෙතැනින්, https://tinyurl.com/hn2cnysz 

ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතාට නව කොරෝනා වයිරසය ආසාදනය වී ඇති බවට වාර්තා වීමත් සමඟ පැය 24ක (2021 අගෝස්තු 24 පස්වරුවේ සිට අගෝස්තු 25 පස්වරු 3 දක්වා කාලයේ දී) සටහන් (පෝස්ට්ස්/Posts) , 4500කට ආසන්න සංඛ්‍යාවක් ෆේස්බුක් ඇතුළු සමාජ මාධ්‍ය තුළ ජනනය/නිර්මාණය (create/generate) වී තිබිණි. 

අප ඉහතින් සඳහන් කළ පරිදි කොවිඩ්-19 වසංගතයත් සමඟ ලෝකය තුළ තොරතුරු වසංගතයක් (infodemic) නිර්මාණය වී තිබේ. 

මේ නිසා ඔබ ෆේස්බුක් ඇතුළු සමාජ මාධ්‍ය ජාලවල හෝ පණිවුඩ ජාලවල හුවමාරු වන පණිවුඩ හෝ ප්‍රධාන ධාරාවේ හුවමාරු වන පණිවුඩ යනාදී සියල්ල තවත් තැනකින් හෝ තැන් කිහිපයකින් තහවුරු කරගැනීම අත්‍යවශ්‍ය වේ. 

එමෙන්ම අදාළ ප්‍රවෘත්තියට අදාළ අධිකාරී හෝ ආයතනවල නිල වෙබ් අඩවි හෝ සමාජ මාධ්‍යවලින් එම ප්‍රවෘත්තිය තහවුරු කරගැනීම ඉතා වැදගත් වේ. 

ප්‍රධානම කරුණ ස්ථාන කිහිපයකින් ඔබට ලැබෙන තොරතුරු තහවුරු කරගැනීම ය. 

නව කොරෝනා වයිරස‌ වසංගතයේ ව්‍යාප්තිය පාලනය කිරීම සඳහා එන්නත්කරණය සහ සෞඛ්‍ය පිළිවෙත් අනුගමනය කිරීම ඉතා වැදගත් වේ. 

ඒ හා සමානව තොරතුරු වසංගතයේ ව්‍යාප්තිය පාලනයට තොරතුරු, ප්‍රවෘත්ති තහවුරු කරගැනීම සහ කරුණු පරීක්ෂා කිරීම අතිශයින් වැදගත් වේ.

Share this post

Share on facebook
Share on twitter
Share on linkedin

Related Projects

Fact Check

FACT CHECK : ஊடகங்கள் வாயிலாக திரிபுபடுத்தப்பட்ட பேராசிரியர் நீலிகா மலவிகேவின் கருத்துக்களும் அவற்றின் உண்மையும்

கொவிட் வைரஸ் தொற்றானது கண்டுபிடிக்கப்பட்ட ஆரம்ப நாட்களில் ஊடகங்களிலே, குறிப்பாக சமூக ஊடகங்கள் வாயிலாக இது பற்றிய பல்வேறு தகவல்கள் கண்டுபிடிப்புகள் மற்றும் தேர்ச்சி பெற்றவர்களின் கருத்துக்கள் …

Towards A Feminist Future

பொதுப் போக்குவரத்தில் பெண்களுக்கெதிராக கட்டவிழ்த்து விடப்படும் துன்புறுத்தல்கள்!

பண்பாடு என்றால் என்னவென்று சிலர் கேள்வி எழுப்புகின்றனர், சிலர் பண்பாட்டை சமூக எழுச்சியின் தூண் என கூறுகின்றனர்.ஒவ்வொருவரும் வெவ்வேறு விதத்தில் விளக்க முற்படும் போது அதனை சீர்குலைக்க …

Towards A Feminist Future

ශ්‍රී ලංකාවේ කාන්තාවන්ට සමාන හා වඩා හොඳ ආර්ථික අවස්ථා නිර්මාණය කිරීම උදෙසා පුළුල් ළමා රැකවරණ විකල්ප වැඩි දියුණු කිරීම

ශ්‍රී ලංකාවේ ස්ත්‍රී පුරුෂ සමානාත්මතාව පිළිබඳව පවතින විවිධ ගැටලුකාරී තත්ත්ව පිළිබඳ සලකා බැලීමේ දී කාන්තාවන්ගේ රැකියා නියුක්තිය හා ඔවුන්ට රැකියාවක නියැලීම සඳහා …

Fact Check

FACT CHECK : මහජන බැංකුවේ 60 වැනි සංවත්සරය වෙනුවෙන් මුදල් ත්‍යාග පිරිනමන බව පවසමින් හුවමාරු වන පණිවුඩය ව්‍යාජයි.

මහජන බැංකුවේ 60 වැනි සංවත්සරය වෙනුවෙන් මුදල් ත්‍යාග පිරිනමන බව කියමින් වට්ස්ඇප් (Whatsapp) ඔස්සේ හුවමාරු වන ආකාරය පසුගිය දින කිහිපයේ …

Fact Check

Fact Check : மக்கள் வங்கியின் 60வது ஆண்டு நிறைவை முன்னிட்டு பணப் பரிசு வழங்குவதாக கூறி WhatsApp இல் இணைப்பொன்று(Link) கடந்த சில நாட்களாக பகிரப்பட்ட தகவல் போலியானது.

மக்கள் வங்கியின் 60வது ஆண்டு நிறைவை முன்னிட்டு பணப் பரிசு வழங்குவதாக கூறி WhatsApp இல் இணைப்பொன்று(Link) கடந்த சில நாட்களாக பகிரப்பட்டதை அவதானித்தோம். அதிலே கீழே …

Fact Check

Fact Check : “වසරක් පාසා එන්නත ගහන්න වෙනවා” යන සිරස්තලය මහජන ජනතාව නොමඟ යවයි

‘කොවිඩි-19’ වසංගතය ව්‍යාප්ත වීමට පටන් ගැනීමත් සමඟ සෞඛ්‍ය සහ වෛද්‍ය විශේෂඥයෝ නිරන්තරයෙන් ප්‍රසිද්ධියේ අදහස් දැක්වූහ.   ලොවපුරා සිටින සෞඛ්‍ය සහ වෛද්‍ය …