FACT CHECK : අප්‍රේල් මාසයේ දී ශ්‍රී ලංකාවට   සංචාරකයන් එක්ලක්ෂ විසිනමදාහක්?

“පහුගිය අප්‍රේල්වල අපේ සංචාරකයන්ගේ පැමිණීම එක්ලක්ෂ විසිනමදාහක් වුණා. අප්‍රේල්වල විතරක්” යැයි පාර්ලිමේන්තු මන්ත්‍රී එස්.බී.දිසානායක මහතා අගෝස්තු 25 වැනිදා කරන ප්‍රකාශය අසත්‍ය යි. 

ඉකුත් සතියේ මාධ්‍ය හමුවවක් පවත්වමින් එස්.බී. දිසානායක මහතා ගාලු මුවදොර කේන්ද්‍ර කරගනිමින් පැවැති විරෝධතා ව්‍යාපාරයට චෝදනා එල්ල කළ අතර කොවිඩ්-19 වසංගතය, ආර්ථිකය අර්බුදය සම්බන්ධයෙන් අදහස් දැක්වීය. 

ඔහුගේ අදහස් දැක්වීම, මෙතැනින්, මෙතැනින්, මෙතැනින් , මෙතැනින්

ඔහුගේ අදහස් දැක්වීමට අදාළ විඩියෝ ව ෆේස්බුක් (Facebook) සමාජ මාධ්‍ය ජාලය තුළ ද පළ වූ තිබූ අතර ඒවා කිහිපයක තිර සටහන් (Screenshots) පහතින් දැක්වේ.

පාර්ලිමේන්තු මන්ත්‍රී එස්.බී.දිසානායක මහතාගේ අදහස් දැක්වීම පහතින් දැක්වේ. 

“පහුගිය අප්‍රේල්වල අපේ සංචාරකයන්ගේ පැමිණීම එක්ලක්ෂ විසිනමදාහක් වුණා. අප්‍රේල්වල විතරක්. රුසියානු ජනාධිපතිතුමා යන්න එපා බටහිරට යන්න ලංකාවට කියලා එහෙම කිව්වා.ගෝල්ෆේස් කෙලියත් එක්කම තමයි මේවා කඩාගෙන වැටුණේ. දැන් ආපහු අපේ සංචාරක ව්‍යාපාරය නැගිටගෙන එනවා.” 

සංචාරකයන්ගේ පැමිණීම සම්බන්ධයෙන් පාර්ලිමේන්තු මන්ත්‍රී එස්.බී.දිසානායක මහතා කරන ප්‍රකාශය සාවද්‍ය වේ. 

ශ්‍රී ලංකා සංචාරක සංවර්ධන අධිකාරියේ දත්තවලට අනුව මේ වසරේ අප්‍රේල් මාසයේ දී ශ්‍රී ලංකාවට පැමිණ ඇති සංචාරකයන්ගේ සංඛ්‍යාව 62,980 කි. මෙතැනින්, මෙතැනින්

ශ්‍රී ලංකා සංචාරක සංවර්ධන අධිකාරිය සංචාරක පැමිණීම්වලට අදාළව මාසික දත්ත වාර්තා නිකුත් කරයි. ඒ අනුව මේ වසරේ අප්‍රේල් මාසයේ සංචාරක පැමිණීම්වලට අදාළ සංඛ්‍ය දත්ත ඇතුළත් වාර්තාව මෙතැනින්

ඉකුත් වසර පහේ දී, අප්‍රේල් මාසවල සංචාරක පැමිණීම පහතින් දැක්වේ . 

ඉකුත් වසරවල, අප්‍රේල් මාසවල සංචාරක පැමිණීම් 
2018180,429
2019166,975
2020
20214,168
202262,980

ශ්‍රී ලංකා මහ බැංකුව මාසිකව නිකුත් කරන විදේශීය අංශයේ ක්‍රියාකාරීත්වයේ ද සංචාරක පැමිණීම් සහ සංචාරක ආදායම් සම්බන්ධයෙන් දත්ත ඇතුළත් වේ. 

2022 මාර්තු, අප්‍රේල්, මැයි

සංචාරක කර්මාන්තයෙන් ශ්‍රී ලංකාව 2009 වසරේ සිට උපයන ලද ආදායම් මෙහි දැක්වේ. ශ්‍රී ලංකා මහ බැංකුව. 

ඊට අමතරව ශ්‍රී ලංකා මහ බැංකුව වාර්ෂිකව නිකුත් කරන වාර්තාවේ ද සංචාරක අංශයේ ක්‍රියාකාරීත්වය සම්බන්ධයෙන් සටහනක් දක්ව යි. 

ශ්‍රී ලංකා මහ බැංකුවේ වාර්ෂික වාර්තාව 2021. විදේශීය අංශයේ ප්‍රවණතා (සංචාරක අංශයේ ක්‍රියාකාරීත්වය සටහන 5.8) 

ශ්‍රී ලංකා මහ බැංකුවේ දත්තත් ශ්‍රී ලංකා සංචාරක සංවර්ධන අධිකාරියේ දත්තත් සලකා බැලීමේ දී ඉකුත් වසර පහක කාලයේ දී (2018-2022) සංචාරකයන්ගේ පැමිණීම අඩු වී තිබේ. 

ඊට අමතරව වාර්ෂිකව ගත් විට ද 2017 සිට 2021 දක්වා වසරවලදී සංචාරක පැමිණීම් මෙන් ම සංචාරක කර්මාන්තයෙන් ලද මූල්‍ය ලැබීම් ද ක්‍රමයෙන් අඩු වී ඇත. 

නිගමනය : අප්‍රේල් මාසවලදී මෙරට ට සංචාරකයන් එක්ලක්ෂ විසිනමදාහක් පැමිණි බවට පාර්ලිමේන්තු මන්ත්‍රී එස්.බී. දිසානායක මහතා කළ ප්‍රකාශය අසත්‍ය යැයි නිගමනය කළ හැකි ය. . 

අප, හෑෂ්ටැග් පරපුර කලින් කරන ලද කරුණු විමසීම්වලට (Fact Checks) මෙතැනින් පිවිසෙන්න. 

Share this post

Related Projects

Fact Check

FACT CHECK : நியூசிலாந்து தனது மக்களை இலங்கைக்கு செல்ல வேண்டாம் என்று சொல்லுமா?

இலங்கைக்கு விஜயம் செய்வது தொடர்பில் அந்நாட்டு மக்களுக்கு குறிப்பாக சுற்றுலாப் பயணிகளுக்கு வழங்கப்பட்ட அறிவுறுத்தல்களை நியூசிலாந்து அரசாங்கம் புதுப்பித்துள்ளதை கடந்த சில நாட்களாக அவதானிக்க முடிந்தது. இலங்கைக்கு …

Fact Check

FACT CHECK : Did New Zealand tell its residents not to visit Sri Lanka?

During the past couple of days, it has been observed that posts are being circulated on social media platforms displaying …

Fact Check

FACT CHECK : නවසීලන්තය එරට වැසියන්ට ශ්‍රී ලංකාවට යන්න එපා කියයි ?

ශ්‍රී ලංකාවේ සංචාරය කිරීම සම්බන්ධයෙන් නවසීලන්ත රජය එරට වැසියන්ට, විශේෂයෙන්ම සංචාරකයන්ට ලබාදෙන උපදෙස් යාවත්කාලීන කර ඇතැයි කියැවෙන සටහන් සමාජ මාධ්‍ය තුළ …

Uncategorized

අන්තර්ජාලය වසා දැමීමක් (Internet Shutdown) යනු කුමක්ද?

(දකුණු සහ අග්නිදිග ආසියාතික සිවිල් සමාජයන් සඳහා මාර්ගෝපදේශයකි) URL: https://engagemedia.org/2022/internet-shutdowns-south-southeast-asia/  ඩිජිටල්කරණයට ලක් වී ඇති වත්මන් සමාජය තුළ, අන්තර්ජාලයට ප්‍රවේශ වීම …

Fact Check

FACT CHECK : විෂාදය කියන්නේ බොරුවක් ද?

විෂාදය සම්බන්ධයෙන් මෙලෙස අලුත් වටයකින් කතාබහක් ඇති වූයේ ඇන්ඩෘ ටේට් නැමැත්තා මීට පෙර අවස්ථා කිහිපයකදී විෂාදය සම්බන්ධයෙන් පළ කළ අදහස් …

Fact Check

FACT CHECK : උප්පැන්න සහතික වෙනුවට මරණ සහතික අයදුම්පත් නිකුත් කළා ද?

“උප්පැන්න සහතික අයදුම්පත් අවසන් වී ඇති බැවින් මරණ සහතික අයදුම්පතෙහි උප්පැන්න බව සඳහන් කොට අවශ්‍ය තොරතුරු පුරවන්න”  යනුවෙන් සඳහන් කළ …