FACT CHECK : අයර්ලන්තේ අයිති ලංකාවට ද ?

ශ්‍රී ලංකාවට පැමිණි එරෝෆ්ලොට් (Aeroflot) ගුවන් සමාගමට අයත් ගුවන් යානය සම්බන්ධයෙන් අපි මීට පෙර සවිස්තර කරුණු පැහැදිලි කිරීමක් කරන ලදි. 

කියවන්න, මෙතැනින්

රුසියානු එරෝෆ්ලොට් ගුවන් යානය සම්බන්ධයෙන් මහජනතාව නොමඟ යවන ආකාරයේ කරුණු රැසක් ම සමාජ මාධ්‍යවල පළ වන ආකාරය අපි නිරීක්ෂණය කළෙමු.

එලෙස සමාජ මාධ්‍යවල දක්නට ලැබුණු තවත් එක් සටහනක් (Facebook Post) සම්බන්ධයෙන් කෙටි කරුණු පැහැදිලි කිරීමක් කිරීමට අපි අදහස් කළෙමු. 

අදාළ සටහනේ (Facebook) තිර ඡායාරූපයක් (screenshots) පහතින් දැක්වේ. 

“අයර්ලන්තෙ රක්ෂණ සමාගමක්, රුසියානු ගුවන් සේවයක්, කොළඹ නඩු තීන්දුවක්, අයර්ලන්තෙත් ලංකාවට ද බං අයිති.” 

“ඇයි බං.. මාර ඉක්මනට නඩු අහලා තීනදුව දුන්නනෙ…”

යනුවෙන් එම ෆේස්බුක් සටහනේ දැක්විණි. 

රුසියාවේ එරෝෆ්ලොට් සමාගමට එරෙහිව වාරණ නියෝගයක් පනවන්නැයි ඉල්ලමින් අයර්ලන්තයේ සෙලෙස්ටියල් ඒවියේෂන් ට්‍රේඩිං 10 ලිමිටඩ් (Celestial Aviation Trading 10 Limited) නමැති සමාගම කොළඹ වාණිජ මහාධිකරණයේ පැමිණිල්ලක් ගොනු කර තිබිණි.

බේරුම්කරණ සහ වාණිජ අධිකරණ බලතල යටතේ අදාළ පැමිණිල්ල ගොනු කර තිබූ අතර එම අධිකරණ බලතල උපයෝගී කරගනිමින් කොළඹ වාණිජ මහාධිකරණය වාරණ නියෝගය නිකුත් කර තිබිණි. 

1996 අංක 10 දරන පළාත්බද මහාධිකරණ (විශේෂ විධි විධාන) පනත මඟින් එම අධිකරණ බලය ලබා දී තිබේ. 

එය මෙතැනින්

මෙතැනින්

මේ සම්බන්ධයෙන් 2012  මැයි මස 25 වැනිදා අති විශේෂ ගැසට් පත්‍රයක් නිකුත් කර තිබේ. 

මෙතැනින්

මෙම අධිකරණයට රුපියල් මිලියන විස්සට වැඩි (පසුව රුපියල් මිලියන විස්ස දක්වා වැඩි කර ඇත) වාණිජ ගනුදෙනු සම්බන්ධ නඩු, බුද්ධිමය දේපල පනත යටතේ ගැනෙන නඩු (දේශීය සහ ජාත්‍යන්තර) නඩු විමසීමේ අධිකරණ බලය හිමිව ඇත. 

රුපියල් මිලියන 20 දක්වා වැඩි කිරීමට අදාළ අති විශේෂ ගැසට් පත්‍රය, මෙතැනින්

එහිදි වාණිජ ගනුදෙනුවක් මඟින් පැන නැඟුණු, ( ඇතුළු බැංකුකරණ, වෙළෙඳ සේවා ආනයන සහ අපනයන, නැව් කුලී ගිවිසුම්, වාණිජ රක්ෂණ නියෝජිතායතනවලට අදාළ යනාදිය ද ඇතුළුව) යනාදි නඩු විමසීමේ අධිකරණ බලය ද හිමි වී ඇත. 

අයර්ලන්ත සමාගමේ පැමිණිල්ලට අදාළව නඩුව කඩිනමින් කැඳවන ලද්දේ, මෝසමක් ඉදිරිපත් කරමිනි. 

මෙතැනින්, මෙතැනින්, මෙතැනින්

නිගමනය : අයර්ලන්ත සමාගම අදාළ පැමිණිල්ල ගොනු කරන ලද්දේ සහ කොළඹ වාණිජ මහාධිකරණය ගුවන් යානයට ශ්‍රී ලංකාවට පිට වීම වළක්වමින් වාරණ නියෝගය නිකුත් කරන ලද්දේ වාණිජ සහ බේරුම්කරණ (Arbitration) අධිකරණය බලය භාවිත කරමිනි. 

ඉහත සඳහන් කළ පරිදි කොළඹ වාණිජ මහාධිකරණයට දේශීය සහ විදේශීය වාණිජ කටයුතු සම්බන්ධයෙන් නඩු විමසීමේ බලය හිමිව ඇත. 

අදාළ නඩු විභාගය ඉක්මනින් කරන ලද්දේ අතිරේක සොලිසිටර් ජනරාල්වරයා ඉදිරිපත් කළ මෝසම හේතුවෙනි. 

අප, හෑෂ්ටැග් පරපුර කලින් කරන ලද කරුණු විමසීම්වලට (Fact Checks) මෙතැනින් පිවිසෙන්න. 

Share this post

Related Projects

Fact Check

FACT CHECK : Fake TikTok accounts in the name of an upcoming Actress

Among social media platforms such as Facebook and YouTube, TikTok has been socialized as one of the most famous social …

Fact Check

FACT CHECK : නවක නිළියගේ නමින් ව්‍යාජ ටික්ටොක් ගිණුම්

ෆේස්බුක් (Facebook), යූටියුබ් (YouTube), වැනි සමාජ මාධ්‍ය අතර මේ වන විට සමාජයේ වඩාත් ප්‍රසිද්ධ සමාජ මාධ්‍ය ජාලයක් ලෙස    ටික්ටොක්(TikTok) …

Fact Check

FACT CHECK : වට්ස්ඇප් ඔස්සේ ඔස්ට්‍රේලියාවේ රැකියාවට අයදුම් කරන්න, ඔබත් ලින්ක් එක ක්ලික් කළා ද ?

ඔස්ට්‍රේලියානු රජය එරට රැකියා හිඟය පිරවීම සඳහා ජාතික සහ ජාත්‍යන්තර අයදුම්කරුවන් සොයමින් සිටින බව සඳහන් කරමින් ‘ඔස්ට්‍රේලියාවේ රැකියා සඳහා අයදුම් …

Fact Check

FACT CHECK : ගැම්බියාවේ දරුවන් 66කට මරු කැඳ වීමට හේතු වුණා යැයි කියන ළමා සිරප් ලංකාවටත් ආවද ?

“ගැම්බියාවේ දරුවන් 66කට මරු කැඳ වූ ළමා සිරප් ලංකාව ඇතුළු රටවල් 42කට යවලා” යන සිරස්තලය යටතේ දිවයින පුවත්පත ඔක්තෝබර් මස …

Fact Check

FACT CHECK : Is singer Shihan Mihiranga raising money for children diagnosed with cancer through a YouTube channel?

A Facebook post circulating on social media was observed stating that singer Shihan Mihiranga has helped a child diagnosed with …

Fact Check

FACT CHECK: சிங்கள பாடகர் ஷிஹான் மிஹிரங்க புற்றுநோயால் பாதிக்கப்பட்ட சிறுவர்களுக்காக யூடியூப் சேனல் ஒன்றின் மூலம் பணம் திரட்டுகின்றாரா?

இசை நிகழ்ச்சி ஒன்றின் போது சிறுகுழந்தை ஒருவரின் உயிரை காப்பாற்றுவதற்காக தான் பணம் திரட்டியதாகவும், அதனால் குறித்த குழந்தையின் உயிரை காப்பாற்ற முடிந்ததாகவும் அதேபோல் உள்ள ஏனைய …