FACT CHECK : ඉන්දීය විදේශ කටයුතු අමාත්‍යවරයා නිකුත් කළ බව සඳහන් කරමින් සංසරණය වන පණිවුඩය ව්‍යාජයි.

ඉන්දීය විදේශ අමාත්‍ය ආචාර්ය සුබ්‍රමනියම් ජයිශංකර් මහතා නිකුත් කළ බව කියැවෙන ට්විටර් පණිවුඩයක් විශේෂයෙන්ම ඊයේ (21) දිනයේ දී සංසරණය වන අයුරු නිරීක්ෂණය විය. 

“ශ්‍රී ලංකාවේ ජනතාව කැමැති නම්, ශ්‍රී ලංකාව ඉන්දියාවේ ප්‍රාන්තයක් ලෙස ප්‍රකාශ කිරීමට සූදානම් යැයි එම ට්විටර් පණිවුඩයේ දැක්විණි.” 

එම ට්විටර් පණිවුඩයේ මෙසේ ද දැක්විණි. 

“එහි ප්‍රතිඵලයක් ලෙස රට (ශ්‍රී ලංකාව) මුහුණ දෙන ගෑස්, ඉන්ධන, කිරි ආහාර, පොහොර සහ අනෙකුත් බොහෝ අත්‍යවශ්‍ය ආහාර/ද්‍රව්‍යවල අර්බුදය විසඳීමට හැකියාව ලැබෙනු ඇත. ඊට අමතරව ඉන්දියාව, ශ්‍රී ලංකාවේ අනාගත ප්‍රශ්න ද බලාගන්නවා”. 

“ඉන්දියාව, ශ්‍රී ලංකාවට පැවැත්මේ/පැවැතීමේ හස්තයක් දිගු කර තිබෙනවා” යනුවෙනි. 

ඉන්දීය විදේශ අමාත්‍යවරයා නිකුත් කළ ට්විටර් පණිවුඩයක් බව කියමින් සංසරණය වූයේ ඡායාරූපයේ තිර ඡායාරූපයක් (Screenshot) පහතින් දැක්වේ. 

මෙම ඡායාරූපය වට්ස්ඇප් (WhatsApp) ඔස්සේ වැඩි වශයෙන් හුවමාරු (Share) වී තිබිණි. 

අප මේ සම්බන්ධයෙන් ඉන්දීය මහ කොමසාරිස් කාර්යාලයෙන් විමසීමක් කළේ ය. 

ඉන්දීය විදේශ කටයුතු පිළිබඳ අමාත්‍ය ආචාර්ය සුබ්‍රමනියම් ජයිශංකර් මහතා මෙවැනි ට්විටර් පණිවුඩයක් නිකුත් කර නැති බවත් ඉහතින් දැක්වෙන පණිවුඩය ව්‍යාජ එකක් බවත් ශ්‍රී ලංකාවේ ඉන්දීය මහ කොමසාරිස් කාර්යාලය සඳහන් කළේ ය. 

ශ්‍රී ලංකාවේ ඉන්දීය මහ කොමසාරිස් කාර්යාලය මේ සම්බන්ධයෙන් කරුණු පැහැදිලි කරමින් ට්විටර් පණිවුඩයක් නිකුත් කර තිබිණි. 

ඉන්දීය මහ කොමසාරිස් කාර්යාලය නිකුත් කළ ට්විටර් පණිවුඩයේ තිර ඡායාරූප (Screenshots) පහතින් දැක්වේ. 

ඉන්දීය විදේශ අමාත්‍ය ආචාර්ය සුබ්‍රමනියම් ජයිශංකර් මහතාගේ ට්විටර් ගිණුම නිරීක්ෂණය කිරීමේ දී එවැනි පණිවුඩයක් නොමැති බව තවදුරටත් තහවුරු කර ගත හැකි ය. 

නිගමනය : ඉන්දීය විදේශ අමාත්‍යවරයා නිකුත් කළ ට්විටර් පණිවුඩයක් බව කියමින් සංසරණය වන ඡායාරූපය ව්‍යාජ එකකි. 

හෑෂ්ටැග් පරපුර   මීට පෙර කළ කරුණු පරීක්ෂා කිරීම්වලට මෙතැනින් පිවිසෙන්න.fact check.

Share this post

Related Projects

Fact Check

FACT CHECK : රාජ්‍ය නිලධාරීන්, දේශපාලඥයන් විශ්වාස නැති නිසා ලෝක බැංකුව සෘජුවම දිළිදු සහන බෙදයි ද?

“නිලධාරීන් දේශපාලනඥයන් විශ්වාස නැති නිසා ලෝක බැංකුව සෘජුවම දිළිදු සහන බෙදයි” යන සිරස්තලය යටතේ සැත්තැම්බර් මස 04 වන දින ඉරිදා …

Fact Check

FACT CHECK : ஏப்ரல் மாதத்தில் இலங்கைக்கு 129,000 சுற்றுலாப் பயணிகள் வந்தார்களா?

“கடந்த ஏப்ரலில் மாத்திரம் எங்கள் சுற்றுலாப் பயணிகளின் வருகை 129,000 இருந்தது” என ஆகஸ்ட் 25ஆம் திகதி நாடாளுமன்ற உறுப்பினர் எஸ்.பி.திஸாநாயக்க தெரிவித்த கருத்து பொய்யானது. கடந்த …

Fact Check

FACT CHECK : අප්‍රේල් මාසයේ දී ශ්‍රී ලංකාවට   සංචාරකයන් එක්ලක්ෂ විසිනමදාහක්?

“පහුගිය අප්‍රේල්වල අපේ සංචාරකයන්ගේ පැමිණීම එක්ලක්ෂ විසිනමදාහක් වුණා. අප්‍රේල්වල විතරක්” යැයි පාර්ලිමේන්තු මන්ත්‍රී එස්.බී.දිසානායක මහතා අගෝස්තු 25 වැනිදා කරන ප්‍රකාශය …

Fact Check

FACT CHECK : அவசரகாலச் சட்டம் இலங்கையில் உள்ள LGBTIQ+ சமூகத்திற்கு அச்சுறுத்தலாக இருந்ததா ?

பதில் ஜனாதிபதியாக நியமிக்கப்பட்ட ரணில் விக்கிரமசிங்க,விசேட வர்த்தமானியொன்றின் மூலம் கடந்த ஜூலை மாதம் 17ஆம் திகதி நாட்டில் அவசரகாலச் சட்டத்தை அமுல்படுத்தினார். குறித்த அவசரகால சட்டம் தொடர்பில் …

Fact Check

FACT CHECK : ශ්‍රී ලංකාව තුළ LGBTIQ+ ප්‍රජාවට හදිසි නීතිය තර්ජනයක් වුණා ද?

වැඩබලන ජනාධිපතිවරයා ලෙස පත් වූ රනිල් වික්‍රමසිංහ මහතා 2022 ජූලි 17 වැනිදා අති විශේෂ ගැසට් පත්‍රයක් මඟින් රට තුළ හදිසි …

Fact Check

FACT CHECK : Did the Central Bank Governor make a statement stating “Inflation is not a problem, it is the perfect solution”?

Sri Lanka is currently facing an acute economic crisis. One of the main issues is the high inflation. As announced …