FACT CHECK : ජනාධිපති හමු වූ  “IMF” ප්‍රධානියා ඉල්ලා අස්වුණා ද ?

ජාත්‍යන්තර මූල්‍ය අරමුදල (IMF) සම්බන්ධයෙන් පසුගිය කාලයේ දී දැඩි කතාබහක් නිර්මාණය විය. 

ජාත්‍යන්තර මූල්‍ය අරමුදලේ කාර්යමණ්ඩල වාර්තාව නිකුත් කිරීම මෙන්ම ජාත්‍යන්තර මූල්‍ය අරමුදලේ ජ්‍යෙෂ්ඨ නියෝජිතයන් පිරිසක් ජනාධිපතිවරයා හමු වීම සම්බන්ධයෙන් ද ප්‍රධාන ධාරාවේ මාධ්‍ය තුළත් සමාජ මාධ්‍ය තුළත් කතාබහක් නිර්මාණය වී තිබිණි. 

ශ්‍රී ලංකාවට පැමිණි ජාත්‍යන්තර මූල්‍ය අරමුදලේ දූත පිරිසේ ප්‍රධානියකු   වූ එම අරමුදලේ ආසියා-ශාන්තිකර දෙපාර්තමේන්තුවේ අධ්‍යක්ෂ ආචාර්ය චන්ග්යොන්ග් රී (Changyong Rhee)  ඉල්ලා අස් වී ඇතැයි විවිධ වෙබ් අඩවි පුවත් පළ කර තිබිණි. 

ඒවා උපුටා දක්වමින් සමාජ මාධ්‍ය පුවත් සහ සටහන් (Posts) පළ කර තිබිණි. 

මේ සම්බන්ධයෙන් ෆේස්බුක් (Facebook) ඔස්සේ පළ වී තිබූ සටහන් (Posts) කිහිපයක තිර ඡායාරූප (Screenshots) පහතින් දක්වා ඇත. 

මෙම ප්‍රවෘත්ති සහ කරුණු බොහෝමයක සඳහන් ව තිබුණේ ශ්‍රී ලංකාවට පැමිණ, ආපසු ඇමෙරිකා එක්සත් ජනපදයට යෑමෙන් පසු එතුමා සිය ඉල්ලා අස්වීමේ ලිපිය බාර දී ඇති බවයි.

“ලංකාවට පැමිණ ජනපති හමු වූ IMF ප්‍රධානියා ධූරයෙන් ඉල්ලා අස්වෙයි” යන සිරස්තලය යටතේ එම පුවත් පළ කර තිබිණි. 

එම පුවත වැරදි අර්ථකථනයකි. 

ශ්‍රී ලංකාවට පැමිණ ජනාධිපතිවරයා හමු වූයේ ජාත්‍යන්තර මූල්‍ය අරමුදලේ ආසියා ශාන්තිකර දෙපාර්තමේන්තුවේ අධ්‍යක්ෂ  ආචාර්ය චන්ග්යොන්ග් රී (Changyong Rhee) මහතා ය. 

ඔහු සහ ජනාධිපති ගෝඨාභය රාජපක්ෂ මහතා අතර පැවැති හමුව සම්බන්ධයෙන් ජනාධිපති ගෝඨාභය රාජපක්ෂ මහතාගේ නිල ෆේස්බුක් පිටුවේ (Official Facebook Page) පළ කර තිබූ සටහනට (Post), මෙතැනින්

ජනාධිපති මාධ්‍ය අංශය නිකුත් කළ නිවේදනයට, මෙතැනින්

එම හමුව සම්බන්ධයෙන් Daily FT පුවත්පත පළ කර තිබූ ප්‍රවෘත්තිය, මෙතැනින්

ආචාර්ය චන්ග්යොන්ග් රී, මහතා ඉල්ලා අස් වූ බවට පළ වූ සටහන් සහ ප්‍රවෘත්ති නිවැරදි නොවන අතර ඊට වැරදි අර්ථ කථන ද ලබා දී තිබිණි. 

ආචාර්ය චන්ග්යොන්ග් රී මහතාගේ නම දකුණු කොරියාවේ මහ බැංකුවේ අධිපති ධුරයට යෝජනා වී තිබේ.

මේ හේතුවෙන් ආචාර්ය චන්ග්යොන්ග් රී මහතා අප්‍රේල් මාසය මුල දී ජාත්‍යන්තර මූල්‍ය අරමුදලේ ආසියා-ශාන්තිකර දෙපාර්තමේන්තුවේ අධ්‍යක්ෂ ධුරයෙන් විශ්‍රාම යෑමට බලාපොරොත්තු වන බව ජාත්‍යන්තර මූල්‍ය අරමුදල නිවේදනයක් නිකුත් කරමින් සඳහන් කර තිබිණි. 

ජාත්‍යන්තර මූල්‍ය අරමුදලේ කළමනාකාර අධ්‍යක්ෂිකා ක්‍රිස්ටලීනා ජෝර්ජියේවා මහත්මිය මාර්තු මස 23 වැනි දා එම නිවේදනය නිකුත් කර තිබිණි. 

ජාත්‍යන්තර මූල්‍ය අරමුදලේ ප්‍රවෘත්ති නිවේදනය මෙතැනින්

මේ සම්බන්ධයෙන් Economy Next වෙබ් අඩවිය පළ කර තිබූ සවිස්තරාත්මක ප්‍රවෘත්ති ලිපිය, මෙතැනින්

ජාත්‍යන්තර මූල්‍ය අරමුදල විසින් ශ්‍රී ලංකාව සම්බන්ධයෙන් නිකුත් කළ කාර්ය මණ්ඩල වාර්තාව, මෙතැනින්

නිගමනය : “ලංකාවට පැමිණ ජනපති හමු වූ IMF ප්‍රධානියා ධූරයෙන් ඉල්ලා අස්වෙයි” යන සිරස්තලයත් එම ප්‍රවෘත්තියක් නිවැරදි නොවේ. 

ශ්‍රී ලංකාවට පැමිණ ජනාධිපති ගෝඨාභය රාජපක්ෂ මහතා හමු වූයේ ජාත්‍යන්තර මූල්‍ය අරමුදලේ ආසියා ශාන්තිකර දෙපාර්තමේන්තුවේ අධ්‍යක්ෂ  ආචාර්ය චන්ග්යොන්ග් රී (Changyong Rhee) ඇතුළ දූත පිරිසකි. 

ආචාර්ය චන්ග්යොන්ග් රී මහතාගේ නම දකුණු කොරියාවේ මහ බැංකුවේ අධිපති ධුරයට යෝජනා වීම නිසා ඒ මහතා, ජාත්‍යන්තර මූල්‍ය අරමුදලේ සිය ධූරයෙන් විශ්‍රාම යෑමට තීරණය කර ඇත. 

Share this post

Share on facebook
Share on twitter
Share on linkedin

Related Projects

Fact Check

FACT CHECK : රුපියල ශක්තිමත් වුණේ උච්චමනෙයි විකුණපු නිසා ද? රනිල් අගමැති වුණු නිසා ද?

ශ්‍රී ලංකා රුපියල 2015 වසරේ සිට ඇමරිකානු ඩොලරයට සාපේක්ෂව අවප්‍රමාණය වී ඇති ආකාරය පිළිබදව හෑෂ්ටැග් පරපුර මීට පෙරදී ද කරුණු …

#Generation Explanations

Explanation of Emergency Regulations

Emergency (Miscellaneous Provisions and Powers) Regulations, No. 1 of 2022 were made by President Gotabhaya Rajapaksa and issued under Gazette …

Uncategorized

FACT CHECK : Can there be a salary cut for public servants who participated in the Hartal Campaign?

A message was observed circulating on social media including on Facebook and WhatsApp stating that the salaries for the month …

Fact Check

Fact Check : රාජ්‍ය සේවකයෙක් හර්තාලයට සහයෝගය දැක්වූවොත් මැයි මාසේ වැටුප කපාවිද?

“හර්තාල ව්‍යාපාරයට සහභාගී වන රාජ්‍ය සේවකයන්ගේ මැයි මස වැටුප් කපා හැරේ” යන සිරස්තලය යටතේ ජනාධිපති මාධ්‍ය අංශය නිකුත් කළ බවට …

Fact Check

FACT CHECK : “රථ වාහන නලා නාද කිරීම” සම්බන්ධයෙන් රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශයේ ලේකම්වරයා චක්‍රලේඛයක් නිකුත් කළා ද ?

රථ වාහන නලා නාද කිරීම සම්බන්ධයෙන් රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශයේ ලේකම්වරයා නිකුත් කළ බව …

Fact Check

FACT CHECK : ජනාධිපතිවරයාට ඉල්ලා අස්විය හැකි ද ?

ජනාධිපතිවරයාට ඉල්ලා අස්විය හැකි ද නැද්ද යන්න සම්බන්ධයෙන් මේ දිනවල සමාජය තුළ විශාල කතාබහක් ඇති වී තිබේ.  ශ්‍රී ලංකා ගුවන් විදුලි සංස්ථාවේ …