‘ජයග්‍රහණය ශ්‍රී ලංකාවට අයිති නෑ – යුපුන්ගෙන් ආන්දෝලනාත්මක ප්‍රකාශයක්’ යනුවෙන් හිරු ප්‍රවෘත්ති ආයතනය අද (4) පස්වරුවේ ප්‍රවෘත්තියක් පළ කර තිබිණි.
මෙම ප්‍රවෘත්තිය මහජනතව නොමඟ යවන ආකාරයේ ප්‍රවෘත්තයකි.
ස්විට්සර්ලන්තයේ පැවැති රේසිසිප්‍රින්ට් ජාත්‍යන්තර ඉසව්වේදී (Resisprint International) දකුණු ආසියානු වාර්තාවක් තබමින් මීටර 100 ඉසව්ව ජයග්‍රහණය කිරීමට යුපුන් අබේකෝන් සමත් විය.
එම ජයග්‍රහණයෙන් අනතුරුව යුපුන් අබේකෝන් සිය ෆේස්බුක් පිටුව ඔස්සේ විඩියෝ පටයක් නිකුත් කර තිබිණි. මෙතැනින්,
එම විඩියෝවේ එක්තැනක ඔහු මෙසේ කීවේ ය.
“මේකේ අයිතිය තියෙන්නේ මට සහ මගේ ටීම් එකට. ලංකාවේ කවුරුවත් මට මේකට උදව් කළේ නෑ.”
ඊට අමතරව තමන් වෙනුවෙන් සුබපැතූ තමන් දිරිගැන්වූ සියලු දෙනාට මේ ජයග්‍රහණය කරන පුද කරන බව ද ඔහු එහිදි කීය.
හිරු ප්‍රවෘත්ති සේවය ඔවුන්ගේ ප්‍රවෘත්තිය වාර්තා කර තිබුණේ මෙම විඩියෝ පටය උපුටා ගනිමිනි.
හිරු ප්‍රවෘත්ති සේවය මුලින් ම “ජයග්‍රහණය ශ්‍රී ලංකාවට අයිති නෑ – යුපුන්ගෙන් ආන්දෝලනාත්මක ප්‍රකාශයක්” යනුවෙන් වාර්තා කර තිබිණි.
පසුව එම ප්‍රවෘත්තිය සිරස්තලය වෙනස් කරමින් වාර්තා කර තිබිණි.
මෙම ප්‍රවෘත්තිය අවස්ථා කිහිපයකදී සංස්කරණය කර තිබිණි.
අප මේ සම්බන්ධයෙන් කිහිප අවස්ථාවකදීම ෆේස්බුක් (Facebook) ඔස්සේ යුපුන් අබේකෝන් සම්බන්ධ කරගැනීමට උත්සාහ කළ ද එය අසාර්ථක විය. (ඔහුගෙන් පිළිතුර ලද විගස මෙම ලිපිය යාවත්කාලීන කෙරේ.)
අදාළ ජයග්‍රහණයෙන් සහ පුවත්පත්වලින් පසු යුපුන් අබේකෝන් සිය ෆේස්බුක් පිටුව ඔස්සේ සජීවී ව (Facebook Live) අදහස් දක්වා තිබිණි.
නිගමනය : යුපුන් අබේකෝන් සම්බන්ධයෙන් හිරු මාධ්‍ය ආයතනය පළ කර තිබූ ප්‍රවෘත්තිය මහජනතාව නොමඟ යවයි.
අප, හෑෂ්ටැග් පරපුර කලින් කරන ලද කරුණු විමසීම්වලට (Fact Checks) මෙතැනින් පිවිසෙන්න.
