“හදිසි දැනුම්දීමක්, සියලුම පොලිස් ස්ථානවල සිට සියලුම පුරවැසියන්ට” සඳහන් ව වට්ස්ඇප් (WhatsApp) ඇතුළු පණිවුඩ ජාල සහ සමාජ මාධ්‍ය ජාල ඔස්සේ සංසරණය වන පණිවුඩය ව්‍යාජ යි.
මෙම පණිවුඩය ඉකුත් මැයි මාසයේ දී සමාජ මාධ්‍ය ජාල සහ පණිවුඩ ජාල තුළ සංසරණය වන ආකාරය අපට නිරීක්ෂණය වූ අතර එම අවස්ථාවේ දී ද අප ඒ සම්බන්ධයෙන් කරුණු පරීක්ෂා කිරීමක් (Fact Check) කරන ලදි.
අප මේ සම්බන්ධයෙන් කළ සොයා බැලීමේ දී වට්ස්ඇප් (Whatsapp) හරහා සංසරණය වූ මෙම පණිවුඩය ෆේස්බුක් (Facebook) ඇතුළු සමාජ මාධ්‍ය තුළ ද නිරීක්ෂණය වන අයුරු අපට නිරීක්ෂණය විය.
ඒවායේ තිර ඡායාරූප (Screenshots) කිහිපයක් පහතින් දැක් වේ.
හෑෂ්ටැග් පරපුර මේ සම්බන්ධයෙන් පොලිස් මාධ්‍ය ප්‍රකාශක නිහාල් තල්දූව මහතාගෙන් විමසීමක් කළ අතර එහිදි ඔහු මෙසේ පැවැසීය.
“මාස පහකට හයකට කලිනුත් ඔය නිව්ස් එක ආවා ඒකත් බොරුවක් බව මම කිව්වා, ආපහු ඒ නිව්ස් එක උඩට ඇවිත්, ඕක බොරුවක්, ෆේක් නිව්ස් (Fake News) එකක්”
එමෙන්ම මෙම ව්‍යාජ පණිවුඩයේ අවසානයේ දී දැක්වනුයේ අභ්‍යන්තර කටයුතු අමාත්‍යාංශය යනුවෙනි.
ජනාධිපති ලේකම් කාර්යලය නිකුත් කර ඇති නවතම ගැසට් නිවේදනවලට අනුව එවැනි අමාත්‍යාංශයක් නම් කර නොමැති අතර මෙම විෂය පථයට ගැනෙන පොලිසිය භාර ප්‍රධාන කැබිනට් අමාත්‍යාංශය වනුයේ මහජන ආරක්ෂක අමාත්‍යාංශය යි. ගැසට් නිවේදනයට මෙතැනින්
මහජන ආරක්ෂක අමාත්‍යාංශය හෝ පොලිසිය හෝ එවැනි නිවේදනයක් හෝ පණිවුඩයක් හෝ නිකුත් කර නැතැයි මේ සම්බන්ධයෙන් හෑෂ්ටැග් පරපුර කළ විමසීමකදී මහජන ආරක්ෂක අමාත්‍ය ටිරාන් අලස් තහවුරු කළේ ය.
මේ ආකාරයට ව්‍යාජ පුවත් චක්‍රයක් ලෙස කලින් කලට පණිවුඩ ජාල සහ සමාජ මාධ්‍ය ජාල ඔස්සේ සංසරණය වන අයුරු මෙමඟින් නිගමනය කළ හැකි ය.
මේ සම්බන්ධයෙන් හෑෂ්ටැග් පරපුර මීට පෙර කරන ලද කරුණු පරීක්ෂාවට මෙතැනින් පිවිසෙන්න.
අප, හෑෂ්ටැග් පරපුර කලින් කරන ලද කරුණු විමසීම්වලට (Fact Checks) මෙතැනින් පිවිසෙන්න.
