FACT CHECK : “රථ වාහන නලා නාද කිරීම” සම්බන්ධයෙන් රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශයේ ලේකම්වරයා චක්‍රලේඛයක් නිකුත් කළා ද ?

රථ වාහන නලා නාද කිරීම සම්බන්ධයෙන් රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශයේ ලේකම්වරයා නිකුත් කළ බව කියන පණිවුඩයක් විශේෂයෙන් ම මැයි 1 සහ 2 දෙදින තුළ වට්ස්ඇප් (WhatsApp) ඔස්සේ හුවමාරු (Share) වන අයුරු නිරීක්ෂණය විය. 

“රථ වාහන නලා නාද කිරීම සම්බන්ධවයි

අද දින සිට බලාත්මක වන පරිදි රජයට අයත් දෙපාර්තමේන්තු, සංස්ථා වලට අයත් වාහන වල මෙන් ම, ලං.ග.ම බස්රථ හා දුම්රියන් හි නලා නාද කිරීම සපුරා තහනම් බව දන්වා සිටිමී. එසේ ම බැසිල්,බැසිල් යනුවෙන් පිළිතුරු නාද කිරීම ද තහනම් බව දන්වා සිටීමට කැමැත්තෙමි.

ජේ.ජේ රත්නසිරි

ලේකම්

රාජ්‍ය සේවා, පළාත් සභා හා පළාත් පාලන අමාත්‍යංශය” යනුවෙන් එම පණිවුඩයේ සඳහන් විය. 

අදාළ පණිවුඩය ඡායාරූපයක් ලෙස වට්ස්ඇප් (WhatsApp) ඔස්සේ හුවමාරු (Share) විය. 

එම ඡායාරූපය සහ වට්ස්ඇප් (WhatsApp) පණිවුඩයක තිර ඡායාරූප (Screenshots) පහතින් දැක්වේ. 

මෙය බැලූ බැල්මටම ව්‍යාජ පණිවුඩයකි. 

රාජ්‍ය පරිපාලන, ස්වදේශ කටයුතු, පළාත් සභා සහ පළාත් පාලන අමාත්‍යාංශය නියෝග, නිවේදන, චක්‍රලේඛ නිකුත් කරන ආකෘතිය මෙය නොවන බව අමාත්‍යාංශයේ වෙබ් අඩවියේ ලිපි ලේඛන නිරීක්ෂණය කිරීමෙන් තහවුරු කර ගත හැකි ය. 

ඊට අමතරව මෙහි භාෂා භාවිතය, අදාළ ලිපියේ උඩ කොටස සහ යට කොටස අකුරු, කඩදාසියේ වර්ණය යනාදිය නොගැලපෙන අයුරු දළපීම  යනාදිය ද නිරීක්ෂණය කළ හැකි ය. 

ලිපියේ අන්තර්ගතය සහ ලිපියේ අමාත්‍යාංශ ලේකම්වරයාගේ අත්සන, නම තනතුර යනාදිය දැක්වෙන කොටසේ ඇති පැහැදිලි වෙනස නිරීක්ෂණය කළ හැකි ය. 

ඊට අමතරව මෙහි ඇති අමාත්‍යාංශයේ නම වැරදි ය. අමාත්‍යාංශයේ වෙබ් අඩවියට, මෙතැනින්. 

අප මේ සම්බන්ධයෙන් රජයේ ප්‍රවෘත්ති දෙපාර්තමේන්තුවෙන් සහ රාජ්‍ය පරිපාලන, ස්වදේශ කටයුතු, පළාත් සභා සහ පළාත් පාලන අමාත්‍යාංශයෙන් විමසීම් කරන ලදී.

මෙම පණිවුඩය ව්‍යාජ පණිවුඩයක් බව අප විමසීම් කළ නිලධාරිහු තහවුරු කළහ. 

අපි මේ සම්බන්ධයෙන් රාජ්‍ය පරිපාලන, ස්වදේශ කටයුතු, පළාත් සභා සහ පළාත් පාලන අමාත්‍යාංශයේ ලේකම් ජේ.ජේ. රත්නසිරි මහතාගෙන් ද විමසීමක් කළෙමු. 

මෙය සම්පූර්ණ ව්‍යාජ පණිවුඩයක් බවත් මේ සම්බන්ධයෙන් අදාළ අංශවලට පැමිණිලි කළ බවත් ලේකම්වරයා පැවැසීය. 

මෙය බැලූ බැල්මට ම ව්‍යාජ පණිවුඩයක් බව තහවුරු වන බව ද හෙතෙම කීය. 

නිගමනය : රථ වාහන නලා නාද කිරීම සම්බන්ධයෙන් රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශයේ ලේකම්වරයා නිවේදනයක්, නියෝගයක් හෝ චක්‍රලේඛයක් හෝ නිකුත් කර නොමැත. 

Share this post

Related Projects

Fact Check

FACT CHECK : நியூசிலாந்து தனது மக்களை இலங்கைக்கு செல்ல வேண்டாம் என்று சொல்லுமா?

இலங்கைக்கு விஜயம் செய்வது தொடர்பில் அந்நாட்டு மக்களுக்கு குறிப்பாக சுற்றுலாப் பயணிகளுக்கு வழங்கப்பட்ட அறிவுறுத்தல்களை நியூசிலாந்து அரசாங்கம் புதுப்பித்துள்ளதை கடந்த சில நாட்களாக அவதானிக்க முடிந்தது. இலங்கைக்கு …

Fact Check

FACT CHECK : Did New Zealand tell its residents not to visit Sri Lanka?

During the past couple of days, it has been observed that posts are being circulated on social media platforms displaying …

Fact Check

FACT CHECK : නවසීලන්තය එරට වැසියන්ට ශ්‍රී ලංකාවට යන්න එපා කියයි ?

ශ්‍රී ලංකාවේ සංචාරය කිරීම සම්බන්ධයෙන් නවසීලන්ත රජය එරට වැසියන්ට, විශේෂයෙන්ම සංචාරකයන්ට ලබාදෙන උපදෙස් යාවත්කාලීන කර ඇතැයි කියැවෙන සටහන් සමාජ මාධ්‍ය තුළ …

Uncategorized

අන්තර්ජාලය වසා දැමීමක් (Internet Shutdown) යනු කුමක්ද?

(දකුණු සහ අග්නිදිග ආසියාතික සිවිල් සමාජයන් සඳහා මාර්ගෝපදේශයකි) URL: https://engagemedia.org/2022/internet-shutdowns-south-southeast-asia/  ඩිජිටල්කරණයට ලක් වී ඇති වත්මන් සමාජය තුළ, අන්තර්ජාලයට ප්‍රවේශ වීම …

Fact Check

FACT CHECK : විෂාදය කියන්නේ බොරුවක් ද?

විෂාදය සම්බන්ධයෙන් මෙලෙස අලුත් වටයකින් කතාබහක් ඇති වූයේ ඇන්ඩෘ ටේට් නැමැත්තා මීට පෙර අවස්ථා කිහිපයකදී විෂාදය සම්බන්ධයෙන් පළ කළ අදහස් …

Fact Check

FACT CHECK : උප්පැන්න සහතික වෙනුවට මරණ සහතික අයදුම්පත් නිකුත් කළා ද?

“උප්පැන්න සහතික අයදුම්පත් අවසන් වී ඇති බැවින් මරණ සහතික අයදුම්පතෙහි උප්පැන්න බව සඳහන් කොට අවශ්‍ය තොරතුරු පුරවන්න”  යනුවෙන් සඳහන් කළ …