Fact Check : රාජ්‍ය සේවකයෙක් හර්තාලයට සහයෝගය දැක්වූවොත් මැයි මාසේ වැටුප කපාවිද?

“හර්තාල ව්‍යාපාරයට සහභාගී වන රාජ්‍ය සේවකයන්ගේ මැයි මස වැටුප් කපා හැරේ” යන සිරස්තලය යටතේ ජනාධිපති මාධ්‍ය අංශය නිකුත් කළ බවට සඳහන් කරමින් ෆේස්බුක්(Facebook) සහ වට්සැප් (WhatsApp) ඇතුළු සමාජ සහ පණිවුඩ ජාලවල අද (6) උදෑසන සිට ලිපියක් හුවමාරු (Share) විය. 

එලෙස හුවමාරු වන සටහන් (Posts) කිහිපයක තිර ඡායාරූප(Screenshots) කිහිපයක් පහතින් දක්වා ඇත.

මෙම ලිපිය ව්‍යාජ එකක් බව හදුනා ගත හැකි ලක්ෂණ කිහිපයක් ම තිබේ.

උදාහරණයක් ලෙස මෙම ලිපියේ දැක්වෙන්නේ “හෙට” හර්තාල ව්‍යාපාරයට සහභාගී වන රාජ්‍ය සේවකයන්ගේ මැයි මස වැටුප කපා හැරෙන බවයි. 

එහෙත් මෙම ලිපිය නිකුත් කළ දිනය වශයෙන් සඳහන් වන්නේ මැයි 3 වන දිනයි. 

එහෙත් හර්තාල දිනය වන්නේ මැයි 6 වන දිනයයි.

ඒ අනුව මෙම ලිපියේ දින දක්වා ඇති ආකාරය අනුව මෙය දෝෂ සහගත ලිපියක් බව බැලූ බැල්මටම හඳුනාගත හැකිය.

ඊට අමතරව ජනාධිපති මාධ්‍ය අංශය විසින් නිකුත් කරන ලිපි සමග සැසදීමේ දී මෙම ලිපියේ රාජ්‍ය ලාංඡනය ඇතුළුව ලිපි ශීර්ෂය (Letterhead)  බොඳ ස්වරූපයක් ගන්නා බැවින් මෙය සංස්කරණය කරන ලද ලිපියක් බව පැහැදිලි වේ.

ඊට අමතරව අප මේ සම්බන්ධයෙන් ජනාධිපති මාධ්‍ය අංශයෙන් විමසීමක් කරන ලද අතර එය ව්‍යාජ එකක් බව අදාළ නිලධාරීහු තහවුරු කළහ. 

“ජනාධිපති මාධ්‍ය අංශයේ ලිපි ශීර්ෂයෙන් ෆේස්බුක් (Facebook) ඔස්සේ ප්‍රචාරය වන දැන්වීම සම්පූර්ණ අසත්‍යක් බව” මේ සම්බන්ධයෙන් නිවේදනයක් නිකුත් කරමින් ජනාධිපති මාධ්‍ය අංශය සඳහන් කළේ ය. 

ජනාධිපති මාධ්‍ය අංශය මගින් නිකුත් කර ඇති එම නිවේදනයේ ඡායාරූපයක් පහතින් දක්වා ඇත.

නිවේදනයට මෙතැනින් 

නිගමනය : ජනාධිපති මාධ්‍ය අංශය විසින් නිකුත් කළා යැයි කියමින් “හර්තාල් ව්‍යාපාරයට සහභාගී වන රාජ්‍ය සේවකයන්ගේ මැයි මස වැටුප කපා හැරේ” යනුවෙන් සමාජ මාධ්‍ය ජාලා හා පණිවුඩ ජාලා තුළ බෙදා හැරෙන (Share) නිවේදනය සම්පූර්ණයෙන් අසත්‍යයි.

Share this post

Related Projects

Fact Check

FACT CHECK : நியூசிலாந்து தனது மக்களை இலங்கைக்கு செல்ல வேண்டாம் என்று சொல்லுமா?

இலங்கைக்கு விஜயம் செய்வது தொடர்பில் அந்நாட்டு மக்களுக்கு குறிப்பாக சுற்றுலாப் பயணிகளுக்கு வழங்கப்பட்ட அறிவுறுத்தல்களை நியூசிலாந்து அரசாங்கம் புதுப்பித்துள்ளதை கடந்த சில நாட்களாக அவதானிக்க முடிந்தது. இலங்கைக்கு …

Fact Check

FACT CHECK : Did New Zealand tell its residents not to visit Sri Lanka?

During the past couple of days, it has been observed that posts are being circulated on social media platforms displaying …

Fact Check

FACT CHECK : නවසීලන්තය එරට වැසියන්ට ශ්‍රී ලංකාවට යන්න එපා කියයි ?

ශ්‍රී ලංකාවේ සංචාරය කිරීම සම්බන්ධයෙන් නවසීලන්ත රජය එරට වැසියන්ට, විශේෂයෙන්ම සංචාරකයන්ට ලබාදෙන උපදෙස් යාවත්කාලීන කර ඇතැයි කියැවෙන සටහන් සමාජ මාධ්‍ය තුළ …

Uncategorized

අන්තර්ජාලය වසා දැමීමක් (Internet Shutdown) යනු කුමක්ද?

(දකුණු සහ අග්නිදිග ආසියාතික සිවිල් සමාජයන් සඳහා මාර්ගෝපදේශයකි) URL: https://engagemedia.org/2022/internet-shutdowns-south-southeast-asia/  ඩිජිටල්කරණයට ලක් වී ඇති වත්මන් සමාජය තුළ, අන්තර්ජාලයට ප්‍රවේශ වීම …

Fact Check

FACT CHECK : විෂාදය කියන්නේ බොරුවක් ද?

විෂාදය සම්බන්ධයෙන් මෙලෙස අලුත් වටයකින් කතාබහක් ඇති වූයේ ඇන්ඩෘ ටේට් නැමැත්තා මීට පෙර අවස්ථා කිහිපයකදී විෂාදය සම්බන්ධයෙන් පළ කළ අදහස් …

Fact Check

FACT CHECK : උප්පැන්න සහතික වෙනුවට මරණ සහතික අයදුම්පත් නිකුත් කළා ද?

“උප්පැන්න සහතික අයදුම්පත් අවසන් වී ඇති බැවින් මරණ සහතික අයදුම්පතෙහි උප්පැන්න බව සඳහන් කොට අවශ්‍ය තොරතුරු පුරවන්න”  යනුවෙන් සඳහන් කළ …