FACT CHECK : රුසියානු එරොෆ්ලොට් ගුවන් යානය නිසා රාජතාන්ත්‍රික ආරවුලක් ද?

ශ්‍රී ලංකාවට පැමිණි එරෝෆ්ලොට් (Aeroflot) ගුවන් සමාගමට අයත් ගුවන් යානයක් සම්බන්ධයෙන් ඉකුත් දින කිහිපයේදී සමාජය තුළ වැඩි කතාබහක් ඇති විය.

සමාජ මාධ්‍ය තුළත් ඉන් පිටතත් මේ සම්බන්ධයෙන් දැඩි කතාබහක් නිර්මාණය වන අයුරුත් මෙම සිදුවීම මුල් කරගනිමින් විවිධාකාරයේ දුස් තොරතුරු (Disinformation) අපට නිරීක්ෂණය විය. 

අන්තර්ජාල වාර්තාවලට අනුවත් ගුවන් සමාගමේ වෙබ් අඩවියට අනුවත් එරෝෆ්ලොට් (Aeroflot) යනු රුසියාවේ ප්‍රධානතම ගුවන් සේවා සමාගම යි. 

අයර්ලන්තයේ සෙලෙස්ටියල් ඒවියේෂන් ට්‍රේඩිං 10 ලිමිටඩ් (Celestial Aviation Trading 10 Limited) යන සමාගම පැමිණිල්ලක් ගොනු කර තිබේ. 

රුසියානු එරෝෆ්ලොට් ගුවන් සමාගම සහ ගුවන් තොටුපොළ හා ගුවන් සේවා සමාගම එහි වග උත්තරකරුවන් ලෙස නම් කර තිබේ. 

කතාබහ ඇති වූයේ රුසියානු එරොෆ්ලොට් ගුවන් සේවයට අයත් SU 289 දරන ගුවන් යානය සම්බන්ධයෙනි.

මෙම ගුවන්යානය ශ්‍රී ලංකාවට පැමිණ ඇත්තේ ජූනි 2 වන දා ය. 

මෙතැනින්

මෙතැනින් 

එරොෆ්ලොට් ගුවන් සේවයට අයත් SU 289 ගුවන් යානය ජූනි මස 2 වැනිදා කොළඹ (කටුනායක බණ්ඩාරනායක ජාත්‍යන්තර ගුවන් තොටුපොළේ) සිට රුසියාවේ මොස්කව් බලා පියාසර කිරීමට නියමිතව තිබිණි. 

කෙසේ නමුත්, මෙම ගුවන් යානය මොස්කව් නුවර බලා පියාසර කිරීම වළක්වාලමින් කොළඹ වාණිජ මහාධිකරණය ජූනි 2 වැනිදා තීන්දුවක් දුන්නේ ය. 

මේ සම්බන්ධයෙන් අධිකරණය ඉදිරියේ කරුණු දැක්වීමක් ජූනි 3 වැනිදා සිදු කෙරුණි. 

අතිරේක සොලිසිටර් ජනරාල් සුමති ධර්මවර්ධන මහතා මෙහිදි ගුවන් තොටුපොළ හා ගුවන් සේවා සමාගම වෙනුවෙන් පෙනී සිටිමින් අධිකරණය ඉදිරියේ කරුණු දැක්වීය. 

රුසියාවට අයත් එරොෆ්ලොට් ගුවන් යානය ශ්‍රී ලංකාවෙන් පිටත් වීම වළක්වාලමින් කෙරුණු වාරණ නියෝගය අත්හිටුවන්නැයි අතිරේක සොලිසිටර් ජනරාල්වරයා මෙහිදි කොළඹ වාණිජ මහාධිකරණයෙන් ඉල්ලී ය. 

කොළඹ වාණිජ මහාධිකරණය ‘ශ්‍රී ලංකාවට’ එරෙහිව කිසිදු නියෝගයක් නිකුත් නොකළ බවත් අදාළ නඩුවේ පළමු විත්තිකරු වන එරොෆ්ලොට් සමාගමට එරෙහිව නියෝගයක් නිකුත් කළ බවත් කොළඹ වාණිජ මහාධිකරණ විනිසුරු හර්ෂ සේතුංග මහතා මෙහිදි කීවේය. 

අයර්ලන්ත සමාගම සහ රුසියානු සමාගම අතර ගිවිසුම් ප්‍රකාරව ඇති වී තිබෙන ආරවුලක් මුල් කරගනිමින් අදාළ වාරණ නියෝගය පැනවූ බව ද විනිසුරුවරයා පැවැසීය. 

මෙතැනින්

මෙතැනින්,

මෙම තත්ත්වය මධ්‍යයේ ශ්‍රී ලංකාවට වාණිජ ගුවන් යානා පියාසර කිරීම නැවැත්වීමට එරොෆ්ලොට් ගුවන් සමාගම පියවර ගෙන තිබිණි.

මෙතැනින්මෙතැනින්, මෙතැනින්

මේ අතරවාරයේ දී රුසියාවේ ශ්‍රී ලංකා තානාපතිනි මහාචාර්ය ජනිතා අබේවික්‍රම ලියනගේ මහත්මිය කැඳවා කරුණු විමසීමට රුසියානු විදේශ කටයුතු අමාත්‍යාංශය පියවර ගෙන තිබිණි. 

මෙතැනින්, මෙතැනින්

මෙම තත්ත්වය සම්බන්ධයෙන් කරුණු පැහැදිලි කරමින් අග්‍රාමාත්‍ය රනිල් වික්‍රමසිංහ මහතා සහ ශ්‍රී ලංකා විදේශ කටයුතු අමාත්‍යාංශය ද නිවේදන නිකුත් කර තිබිණි. 

එරොෆ්ලොට් ගුවන් යානයට අදාළ සිදුවීම පෞද්ගලික නෛතික කරුණක් බවත් එය රටවල් දෙක අතර ගැටලුවක් නොවන බවත් අග්‍රාමාත්‍යවරයා රුසියානු බලධාරීන්ට දැනුම් දී තිබිණි.

මෙතැනින්, මෙතැනින්

විදේශ අමාත්‍යාංශය නිකුත් කළ නිවේදනය. මෙතැනින්,  

මෙම අර්බුදය දිග්ගැස්සෙන බැවින් මෝසමක් ඉදිරිපත් කිරීමට අතිරේක සොලිසිටර් ජනරාල්වරයා පියවර ගත් අතර පනවා තිබෙන වාරණ නියෝගය අත්හිටුවන්නැයි ද ඉල්ලීය. 

මෙතැනින්

මේ අතරවාරයේ දී රුසියාවේ සිට පැමිණි ගුවන් යානයක් රුසියානු එරොෆ්ලොට් ගුවන් සේවයට අයත් SU 289 යානයෙන් රුසියාව බලා යෑමට බලා සිටි ගුවන් මඟීන්ට ගමනාන්ත පහසුකම් සැලසීමට පියවර ගෙන තිබිණි. 

මෙතැනින් , මෙතැනින්

මෝසම සළකා බලමින් පැවැති අධිකරණ ක්‍රියාවලියේ දී රුසියානු එරොෆ්ලොට් ගුවන් සේවයට අයත් SU 289 ගුවන් යානයට ශ්‍රී ලංකාවෙන් පිටවීමට එරෙහිව පැනවූ වාරණ නියෝගය අත්හිටුවන ලදි. 

මෙතැනින්

නිගමනය – මෙම කරුණු සියල්ල නිරීක්ෂණය කිරීමේදී රුසියානු ගුවන් යානයට එරෙහිව පනවන ලද වාරණ නියෝගය, පැමිණිලිකරුවන්ගේ ඉල්ලීම සළකා බලමින් කරන ලද්දක් බවත්, කරුණු විමසීමෙන් පසු ව අදාළ වාරණ නියෝගය අත්හිටුවන ලද බවත් පෙනී යයි. 

එමෙන් ම මෙය රාජ්‍ය තාන්ත්‍රික හෝ ශ්‍රී ලංකාව රජය සම්බන්ධ කරුණක් නොවන බවත් එය අයර්ලන්ත සහ රුසියානු සමාගම් අතර ගිවිසුම් ප්‍රකාරව ඇති වාණිජ සහ නෛතික ආරවුලක් බවත් අපට නිගමනය කළ හැකි ය. 

ප්‍රවෘත්ති මූලාශ්‍ර – 

රුසියානු මගී යානයක් උසාවි නියෝගයෙන් කටුනායක නවතා ගනී

ගුවන් යානය තබා ගැනීම ලිඛිත එකඟතාවය බිඳීමක්?

එරෝෆ්ලෝට් වාණිජ ගුවන් ගමන් අත්හිටුවයි

රුසියාව ශ්‍රී ලංකාවට සිය අප්‍රසාදය පළ කරයි

ගුවන් යානා හබයෙන් සිර වූ මගීන් යළි රුසියාවට

රුසියානු ගුවන්යානය අරන් යයි

ගුවන් යානය මුදා හැරියාට රුසියාවෙන් ප්‍රතිචාර

රුසියානු ගුවන්යානයකට කටුනායකදී වුණු දේ…

රුසියානු ගුවන්යානය ට පැනවූ වාරණය අත්හිටුවන්නැයි ඉල්ලීමක්…

වාරණ නියෝගයක් දී නැහැ – කොළඹ වාණිජ මහාධිකරණ විනිසුරු කියයි

එරොෆ්ලෝට් ගැන නීතිපතිගේ කරුණු දැක්වීම…

Aeroflot suspends Sri Lanka commercial flights

එරෝෆ්ලොට් ගුවන්යානයට පැනවූ වාරණය අත්හිටුවීමෙන් අර්බුදය අවසන් වෙයිද ?

Detention of Russia’s Aeroflot aircraft in Colombo is private legal issue: Sri Lankan PM Wickremesinghe 

Sri Lanka moves to free court-detained Russian jet

Sri Lankan court lifts ban on detained Aeroflot flight from leaving Colombo

Order issued suspending enjoining order against Russian Aeroflot flight

Aeroflot aircraft matter is private legal issue: PM informs Russia

Aeroflot suspends flights to Sri Lanka over aircraft’s arrest

Russian Foreign Ministry summons Ambassador of Sri Lanka over seizure of Aeroflot plane

Russian flight grounded at BIA: Sri Lankan authorities urge court to suspend court order

Russian passenger plane grounded in Katunayake by court order

Russian flight grounded at BIA: AG to file a motion today

Share this post

Related Projects

Fact Check

FACT CHECK : Fake TikTok accounts in the name of an upcoming Actress

Among social media platforms such as Facebook and YouTube, TikTok has been socialized as one of the most famous social …

Fact Check

FACT CHECK : නවක නිළියගේ නමින් ව්‍යාජ ටික්ටොක් ගිණුම්

ෆේස්බුක් (Facebook), යූටියුබ් (YouTube), වැනි සමාජ මාධ්‍ය අතර මේ වන විට සමාජයේ වඩාත් ප්‍රසිද්ධ සමාජ මාධ්‍ය ජාලයක් ලෙස    ටික්ටොක්(TikTok) …

Fact Check

FACT CHECK : වට්ස්ඇප් ඔස්සේ ඔස්ට්‍රේලියාවේ රැකියාවට අයදුම් කරන්න, ඔබත් ලින්ක් එක ක්ලික් කළා ද ?

ඔස්ට්‍රේලියානු රජය එරට රැකියා හිඟය පිරවීම සඳහා ජාතික සහ ජාත්‍යන්තර අයදුම්කරුවන් සොයමින් සිටින බව සඳහන් කරමින් ‘ඔස්ට්‍රේලියාවේ රැකියා සඳහා අයදුම් …

Fact Check

FACT CHECK : ගැම්බියාවේ දරුවන් 66කට මරු කැඳ වීමට හේතු වුණා යැයි කියන ළමා සිරප් ලංකාවටත් ආවද ?

“ගැම්බියාවේ දරුවන් 66කට මරු කැඳ වූ ළමා සිරප් ලංකාව ඇතුළු රටවල් 42කට යවලා” යන සිරස්තලය යටතේ දිවයින පුවත්පත ඔක්තෝබර් මස …

Fact Check

FACT CHECK : Is singer Shihan Mihiranga raising money for children diagnosed with cancer through a YouTube channel?

A Facebook post circulating on social media was observed stating that singer Shihan Mihiranga has helped a child diagnosed with …

Fact Check

FACT CHECK: சிங்கள பாடகர் ஷிஹான் மிஹிரங்க புற்றுநோயால் பாதிக்கப்பட்ட சிறுவர்களுக்காக யூடியூப் சேனல் ஒன்றின் மூலம் பணம் திரட்டுகின்றாரா?

இசை நிகழ்ச்சி ஒன்றின் போது சிறுகுழந்தை ஒருவரின் உயிரை காப்பாற்றுவதற்காக தான் பணம் திரட்டியதாகவும், அதனால் குறித்த குழந்தையின் உயிரை காப்பாற்ற முடிந்ததாகவும் அதேபோல் உள்ள ஏனைய …