FACT CHECK : ලෝක බැංකුව ශ්‍රී ලංකාවට ඩොලර් මිලියන 700ක් දෙනව ද ?

ඉදිරි මාස කිහිපය තුළ ලෝක බැංකුව ශ්‍රී ලංකාවට ඩොලර් මිලියන 700ක පමණක් මුදලක් ලබාදෙන බව මෙරට විදේශ කටයුතු අමාත්‍යාංශය ඉකුත් 30 වැනිදා නිවේදනය කළ අතර ඒ හේතුවෙන් සමාජය තුළ සැලකිය යුතු කතාබහක් නිර්මාණය විය. 

ලෝක බැංකුවේ ශ්‍රී ලංකාවේ කළමනාකාරිවරිය වන චියෝ කන්ඩා මහත්මිය උපුටා දක්වමින් විදේශ කටයුතු අමාත්‍යාංශය ඒ බව සඳහන් කර තිබිණි. 

ශ්‍රී ලංකා විදේශ කටයුතු අමාත්‍යාංශයට අනුව, විදේශ කටයුතු අමාත්‍ය මහාචාර්ය ජී.එල්.පීරිස් මහතා සහ ලෝක බැංකුවේ මෙරට කළමනාකාරිවරිය වන චියෝ කන්ඩා මහත්මිය අතර හමුවක් මැයි මස 27 වැනිදා පවත්වා ඇත. 

විදේශ කටයුතු අමාත්‍යාංශය මැයි 30 වැනිදා නිකුත් කරන ලද්දේ ඊට අදාළ මාධ්‍ය නිවේදනය යි. 

විදේශ කටයුතු අමාත්‍යාංශය නිකුත් කළ මාධ්‍ය නිවේදනය, මෙතැනින්

මෙරට විදේශ කටයුතු අමාත්‍යාංශය නිකුත් කළ නිවේදනයේ අවසාන ඡේදයේ මෙසේ දැක්වේ. 

“ඉදිරි මාස කිහිපය තුළ ලෝක බැංකුව ශ්‍රී ලංකාවට ඩොලර් මිලියන 700 ක පමණ මුදලක් ලබා දෙන බවද එතුමිය ප්‍රකාශ කළා ය.”

විදේශ කටයුතු අමාත්‍යාංශයේ නිවේදනයෙන් පසු ලෝක බැංකුව මේ සම්බන්ධයෙන් කරුණු පැහැදිලි කිරීමක් කරන ලදි. 

නිශ්චිත ඉලක්කමක් සඳහන් කරමින් ලෝක බැංකුව ශ්‍රී ලංකාවට සහාය දෙන බවට පළ වන මාධ්‍ය වාර්තා අසත්‍ය බව මේ සම්බන්ධයෙන් ට්විටර් පණිවුඩයක් නිකුත් කරමින් ලෝක බැංකුවේ මෙරට අධ්‍යක්ෂ (ශ්‍රී ලංකාව, නේපාලය සහ මාලදිවයිනේ අධ්‍යක්ෂ ලෙස පත් කර ඇත) ෆාරිස් එච්. හඩාඩ්-සර්වෝස් ට්විටර් පණිවුඩයක් නිකුත් කරමින් සඳහන් කළේ ය.

එම ට්විටර් පණිවුඩයට, මෙතැනින්

කරුණු පැහැදිලි කිරීම යනුවෙන් ද ඔහු එහි දක්වා තිබිණි. 

ශ්‍රී ලංකාවේ ජනතාව ගැන සැලකිලිමත් වන බවත් සංවර්ධන පාර්ශවකරුවන් සමඟ කටයුතු කරන බවත් එහි තවදුරටත් දැක්විණි. 

ශ්‍රී ලංකාවට අදාළව, මැයි 24 වැනිදා නිකුත් කළ නිවේදනය මඟින් ශ්‍රී ලංකාව සම්බන්ධයෙන් ලෝක බැංකුවේ ස්ථාවරය යැයි ද එහි දැක්විණි. 

ලෝක බැංකුව මැයි 24 වැනිදා නිකුත් කළ නිවේදනය, මෙතැනින්

ප්‍රමාණවත් සාර්ව ආර්ථික ප්‍රතිපත්ති රාමුවක් ක්‍රියාත්මක වන තුරු ශ්‍රී ලංකාවට නව මූල්‍ය පහසුකම් ලබාදීමට සැලසුම් නොකරන බව එම නිවේදනය මඟින් ලෝක බැංකුව අවධාරණය කළේ ය. 

විදේශ කටයුතු අමාත්‍යාංශයේ නිවේදනයට පසු පැහැදිලි කිරීමක් කළ ලෝක බැංකුව මැයි 24 වැනිදා නිවේදනය උපුටා දක්වමින් ඒ බව නැවත වරක් අවධාරණය කළේ ය. 

ලෝක බැංකුව සහ එමඟින් ලැබෙන මූල්‍ය පහසුකම් සම්බන්ධයෙන් හෑෂ්ටැග් පරපුර මීට පෙර ද කරුණු පරීක්ෂා කිරීමක් කරන ලදි. මෙතැනින්

නිගමනය – ශ්‍රී ලංකාවට ඩොලර් මිලියන 700ක පමණක් මුදලක් ලබාදෙන බව ලෝක බැංකුව නිවේදනය කර නොමැති අතර ප්‍රමාණවත් සාර්ව ආර්ථික ප්‍රතිපත්ති රාමුවක් ක්‍රියාත්මක වන තුරු ශ්‍රී ලංකාවට නව මූල්‍ය පහසුකම් ලබාදීමට සැලසුම් නොකරන බව ලෝක බැංකුව ප්‍රකාශ කර ඇත. 

හෑෂ්ටැග් පරපුර   මීට පෙර කළ කරුණු පරීක්ෂා කිරීම්වලට මෙතැනින් පිවිසෙන්න. 

Share this post

Related Projects

Fact Check

FACT CHECK : Fake TikTok accounts in the name of an upcoming Actress

Among social media platforms such as Facebook and YouTube, TikTok has been socialized as one of the most famous social …

Fact Check

FACT CHECK : නවක නිළියගේ නමින් ව්‍යාජ ටික්ටොක් ගිණුම්

ෆේස්බුක් (Facebook), යූටියුබ් (YouTube), වැනි සමාජ මාධ්‍ය අතර මේ වන විට සමාජයේ වඩාත් ප්‍රසිද්ධ සමාජ මාධ්‍ය ජාලයක් ලෙස    ටික්ටොක්(TikTok) …

Fact Check

FACT CHECK : වට්ස්ඇප් ඔස්සේ ඔස්ට්‍රේලියාවේ රැකියාවට අයදුම් කරන්න, ඔබත් ලින්ක් එක ක්ලික් කළා ද ?

ඔස්ට්‍රේලියානු රජය එරට රැකියා හිඟය පිරවීම සඳහා ජාතික සහ ජාත්‍යන්තර අයදුම්කරුවන් සොයමින් සිටින බව සඳහන් කරමින් ‘ඔස්ට්‍රේලියාවේ රැකියා සඳහා අයදුම් …

Fact Check

FACT CHECK : ගැම්බියාවේ දරුවන් 66කට මරු කැඳ වීමට හේතු වුණා යැයි කියන ළමා සිරප් ලංකාවටත් ආවද ?

“ගැම්බියාවේ දරුවන් 66කට මරු කැඳ වූ ළමා සිරප් ලංකාව ඇතුළු රටවල් 42කට යවලා” යන සිරස්තලය යටතේ දිවයින පුවත්පත ඔක්තෝබර් මස …

Fact Check

FACT CHECK : Is singer Shihan Mihiranga raising money for children diagnosed with cancer through a YouTube channel?

A Facebook post circulating on social media was observed stating that singer Shihan Mihiranga has helped a child diagnosed with …

Fact Check

FACT CHECK: சிங்கள பாடகர் ஷிஹான் மிஹிரங்க புற்றுநோயால் பாதிக்கப்பட்ட சிறுவர்களுக்காக யூடியூப் சேனல் ஒன்றின் மூலம் பணம் திரட்டுகின்றாரா?

இசை நிகழ்ச்சி ஒன்றின் போது சிறுகுழந்தை ஒருவரின் உயிரை காப்பாற்றுவதற்காக தான் பணம் திரட்டியதாகவும், அதனால் குறித்த குழந்தையின் உயிரை காப்பாற்ற முடிந்ததாகவும் அதேபோல் உள்ள ஏனைய …