FACT CHECK : විරෝධතා පැවැත්වීමට පැය 6කට පෙර අවසර ගත යුතු ද ?

වැඩබලන ආරක්ෂක අමාත්‍යවරයා ලෙස පත් කරන ලද ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකොන් මහතා ඉකුත් දා පැවැති මාධ්‍ය හමුවකදී විරෝධතා පැවැත්වීමට පැය 6කට පෙර පොලිසිය දැනුවත් කර අවසර ගත යුතු යැයි ප්‍රකාශ කළේ ය. 

වැඩබලන ආරක්ෂක අමාත්‍යවරයාගේ අදාළ ප්‍රකාශය මහජනතාව නොමඟ යවන සුළු යි.  

වැඩබලන ආරක්ෂක අමාත්‍ය, ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් මහතා මාධ්‍ය හමුවේදී කළ ප්‍රකාශය පහතින් දැක්වේ. 

“පැය  6කට කලින් ඕනෑම විරෝධතාවයක් පිළිබදව පොලිසියට දැනුම් දීමක් සිදු කරල අවසරයක් ලබා ගත්තොත් කිසිම ගැටලුවක් ප්‍රශ්නයක් නොවන බව අපි වගකීමෙන් මේ වෙලාවේ මතක් කරනවා. කුමන තත්ත්වයක් යටතේ වුවත් රටේ මහජන සාමය වෙනුවෙන් පනවා ඇති නීති කඩ කරමින් ජනතාවට බාධා වන පරිදි වගකීම් විරහිතව හැසිරීමට කිසිදු පාර්ශවයකට ඉඩ දිය නොහැකි.”

සම්පූර්ණ මාධ්‍ය හමුවට මෙතැනින්. 

ශ්‍රී ලංකා ආණ්ඩුක්‍රම ව්‍යවස්ථාවේ 14 (1) වගන්තිය මඟින් සෑම පුරවැසියකුටම (අ) භාෂණයේ නිදහසට සහ ප්‍රකාශනයට ඇතුළු අදහස් පළ කිරීමේ නිදහසට ; (ආ) සාමකාමීව රැස්වීමේ නිදහසට  ; (ආ) සාමකාමීව රැස්වීමේ නිදහසට  ; (ඇ) සමාගමයේ නිදහසට අයිතියත් හිමිකමත් ඇත. 

පොලිස් ආඥා පනතේ 77 වගන්තියෙන් පාගමන් (විරෝධතා ආදිය) සම්බන්ධයෙන් කරුණු දක්වා ඇත. 

පොලිස් ආඥා පනත (සිංහල) මෙතැනින්. 

මේ අනුව මෙලෙස පාගමනක් තිබෙන බව පොලිසියට දැනුම් දීම ප්‍රමාණවත් වේ. 

ඊට අමතරව රටේ උත්තරීතර නීතිය වනුයේ ආණ්ඩුක්‍රම ව්‍යවස්ථාව යි. ආණ්ඩුක්‍රම ව්‍යවස්ථාව මඟින් සාමකාමී අයුරින් විරෝධතා කිරීමට පුරවැසියන්ට ඇති අයිතිය තහවුරු කර ඇත. 

මෙම අයිතිය තහවුරු කරමින් ශ්‍රේෂ්ඨාධිකරණය ලබාදුන් නඩු තීන්දුවක් වේ.  

‘විවියන් ගුණවර්ධනට එරෙහිව හෙක්ටර් පෙරේරා සහ අනෙක් අය’ නඩු තීන්දුව යි. 

අදාළ නඩු තීන්දුවේ මෙලෙසෙ දැක්වේ. 

“පොලිස් ආඥාපනතේ 77 (1) වගන්තියට අනුව නාගරික ප්‍රදේශයක පොදු මාර්ගයක වලංගු බලපත්‍රයක් නොමැතිව පාගමනක් (විරෝධතාවක් හෝ වෙනත් ආකාරයක) පැවැත්වීම වරදක් නොවේ. එවැන්නක් සඳහා බලපත්‍රයක් හෝ අවසරයක් හෝ අවශ්‍ය‌ නොවන අතර දැනුම් දීමක් පමණක් ප්‍රමාණවත් වේ”. 

අදාළ නඩු තීන්දුවේ තවත් තැනක මෙසේ ද දැක්වේ. 

“ආණ්ඩුක්‍රම ව්‍යවස්ථාවේ 14. (1). (ආ) සාමකාමීව රැස්වීමේ නිදහස සියලු පුරවැසියන්ට ලබා දී තිබෙන මූලික අයිතිවාසිකමකි”. 

නිගමනය : මේ අනුව වැඩබලන ආරක්ෂක අමාත්‍ය, ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් මහතා කළ ප්‍රකාශය මහජනතාව නොමඟ යවන සුළු යැයි නිගමනය කළ හැකි ය. විරෝධතාවක් පැවැත්වීමට පැය හයකට පෙර පොලිසිය හෝ අදාළ බලධාරීන් දැනුවත් කර අවසර ලබා ගැනීමක් අවශ්‍ය නොවන අතර අදාළ අංශ දැනුවත් කිරීම පමණක් ප්‍රමාණවත් වේ. 

අප, හෑෂ්ටැග් පරපුර කලින් කරන ලද කරුණු විමසීම්වලට (Fact Checks) මෙතැනින් පිවිසෙන්න.

Share this post

Related Projects

Fact Check

FACT CHECK : Fake TikTok accounts in the name of an upcoming Actress

Among social media platforms such as Facebook and YouTube, TikTok has been socialized as one of the most famous social …

Fact Check

FACT CHECK : නවක නිළියගේ නමින් ව්‍යාජ ටික්ටොක් ගිණුම්

ෆේස්බුක් (Facebook), යූටියුබ් (YouTube), වැනි සමාජ මාධ්‍ය අතර මේ වන විට සමාජයේ වඩාත් ප්‍රසිද්ධ සමාජ මාධ්‍ය ජාලයක් ලෙස    ටික්ටොක්(TikTok) …

Fact Check

FACT CHECK : වට්ස්ඇප් ඔස්සේ ඔස්ට්‍රේලියාවේ රැකියාවට අයදුම් කරන්න, ඔබත් ලින්ක් එක ක්ලික් කළා ද ?

ඔස්ට්‍රේලියානු රජය එරට රැකියා හිඟය පිරවීම සඳහා ජාතික සහ ජාත්‍යන්තර අයදුම්කරුවන් සොයමින් සිටින බව සඳහන් කරමින් ‘ඔස්ට්‍රේලියාවේ රැකියා සඳහා අයදුම් …

Fact Check

FACT CHECK : ගැම්බියාවේ දරුවන් 66කට මරු කැඳ වීමට හේතු වුණා යැයි කියන ළමා සිරප් ලංකාවටත් ආවද ?

“ගැම්බියාවේ දරුවන් 66කට මරු කැඳ වූ ළමා සිරප් ලංකාව ඇතුළු රටවල් 42කට යවලා” යන සිරස්තලය යටතේ දිවයින පුවත්පත ඔක්තෝබර් මස …

Fact Check

FACT CHECK : Is singer Shihan Mihiranga raising money for children diagnosed with cancer through a YouTube channel?

A Facebook post circulating on social media was observed stating that singer Shihan Mihiranga has helped a child diagnosed with …

Fact Check

FACT CHECK: சிங்கள பாடகர் ஷிஹான் மிஹிரங்க புற்றுநோயால் பாதிக்கப்பட்ட சிறுவர்களுக்காக யூடியூப் சேனல் ஒன்றின் மூலம் பணம் திரட்டுகின்றாரா?

இசை நிகழ்ச்சி ஒன்றின் போது சிறுகுழந்தை ஒருவரின் உயிரை காப்பாற்றுவதற்காக தான் பணம் திரட்டியதாகவும், அதனால் குறித்த குழந்தையின் உயிரை காப்பாற்ற முடிந்ததாகவும் அதேபோல் உள்ள ஏனைய …