FACT CHECK : වෘෂණ කෝෂ ජාවාරමේ පිටුපස සිටින්නේ වෛද්‍ය ෂාෆිගේ බිරිඳ ද ?

කොළඹ පෞද්ගලික රෝහලක සිදුවන බව කියන වෘෂණ කෝෂ ජාවාරමක් සම්බන්ධයෙන් ලංකාදීප පුවත්පතින් දෙසැම්බර් 2 වැනිදා අනාවරණය කෙරුණි. දෙරණ රූපවාහිනි නාලිකාව දෙසැම්බර් 3 වැනිදා මේ සම්බන්ධයෙන් වාර්තා කළේ ය. ප්‍රධාන ධාරාවේ මාධ්‍ය ඔස්සේ මේ අනාවරණය වීමත් සමඟ සමාජ මාධ්‍ය පරිශීලකයන් අතර ද මේ සම්බන්ධයෙන් විශාල කතාබහක් ඇති විය. 

ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී මහාචාර්ය චන්න ජයසුමන මහතා මෙම වෘෂණ කෝෂ ජාවාරම පිළිබදව ප්‍රකාශයක් සිදු කළා යැයි කියමින් සමාජ මාධ්‍ය තුළ සටහනක් (Post) හුවමාරු වන ආකාරයක ඉකුත් දින කිහිපයේදී දක්නට ලැබිණි. “වෘෂණ කෝෂ ජාවාරම පිටුපස සිටින්නේ වෛද්‍ය ෂාෆිගේ බිරිඳ” බව මහාචාර්ය චන්න ජයසුමන පවසා ඇතැයි එම සටහනේ දක්නට ලැබිණි. ‘දිනමිණ’ පුවත්පත මෙය වාර්තා කරන බව ඇඟවෙන පරිදි අදාළ සටහනේ පහළින් ‘දිනමිණ’ පුවත්පතේ ලාංඡනය ද යොදා තිබිණි. 

හෑෂ්ටැග් පරපුර මේ සම්බන්ධයෙන් කරුණු සොයා බැලීය. මුලින්ම අප දිනමිණ පුවත්පතේ වෙබ් අඩවිය (Website) සහ ෆේස්බුක් (Facebook Page) පිටුව පරික්ෂා කළේය. ඊට අමතරව ඉකුත් සතියේ දිනමිණ පුවත්පත ද නිරීක්ෂණය කළේ ය. 

දිනමිණ පුවත්පතේ හෝ දිනමිණ ප්‍රවෘත්ති වෙබ් අඩවියේ හෝ ඔවුන්ගේ ෆේස්බුක් පිටුවේ මෙවැනි කිසිදු ප්‍රවෘත්තියක් වාර්තා කර නොමැති බව එහිදි අනාවරණය විය. හෑෂ්ටැග් පරපුර මේ සම්බන්ධයෙන් දිනමිණ පුවත්පතේ ප්‍රධාන කර්තෘ ගාමිණි ජයලත් මහතාගෙන් ද විමසීමක් කළේ ය. එවැනි කිසිදු ප්‍රවෘත්තියක් දිනමිණ පුවත්පතේ හෝ වෙබ් අඩවියේ හෝ වාර්තා නොකළ බව හෙතෙම එහිදි පැවැසීය.

පාර්ලිමේන්තු මන්ත්‍රී මහාචාර්ය චන්න ජයසුමන මහතාගෙන්ද හෑෂ්ටැග් පරපුර මේ සම්බන්ධයෙන් විමසීමක් කළ අතර තමන් කිසිදු අවස්ථාවකදී එවැනි ප්‍රකාශයක් නොකළ බව ඔහු පැවැසීය. තමන් අපහසුතාවයට පත් කිරීමේ වුවමනාව ඇති ඇතැම් පුද්ගලයන් සමාජ මාධ්‍යවල මෙවැනි ව්‍යාජ සටහන් පළ කරන බව ඔහු කීය.

මේ අනුව “වෘෂණ කෝෂ ජාවාරම පිටුපස වෛද්‍ය සාෆිගේ බිරිඳ සිටිනවා” යැයි මහාචාර්ය චන්න ජයසුමන පැවැසූවා යැයි සඳහන් කරමින් සමාජ මාධ්‍ය තුළ සංසරණය වන සටහන ව්‍යාජ යැයි නිගමනය කළ හැකි ය.

අප, හෑෂ්ටැග් පරපුර කලින් කරන ලද කරුණු විමසීම්වලට (Fact Checks) මෙතැනින් පිවිසෙන්න.

Share this post

Related Projects

Fact Check

FACT CHECK : நியூசிலாந்து தனது மக்களை இலங்கைக்கு செல்ல வேண்டாம் என்று சொல்லுமா?

இலங்கைக்கு விஜயம் செய்வது தொடர்பில் அந்நாட்டு மக்களுக்கு குறிப்பாக சுற்றுலாப் பயணிகளுக்கு வழங்கப்பட்ட அறிவுறுத்தல்களை நியூசிலாந்து அரசாங்கம் புதுப்பித்துள்ளதை கடந்த சில நாட்களாக அவதானிக்க முடிந்தது. இலங்கைக்கு …

Fact Check

FACT CHECK : Did New Zealand tell its residents not to visit Sri Lanka?

During the past couple of days, it has been observed that posts are being circulated on social media platforms displaying …

Fact Check

FACT CHECK : නවසීලන්තය එරට වැසියන්ට ශ්‍රී ලංකාවට යන්න එපා කියයි ?

ශ්‍රී ලංකාවේ සංචාරය කිරීම සම්බන්ධයෙන් නවසීලන්ත රජය එරට වැසියන්ට, විශේෂයෙන්ම සංචාරකයන්ට ලබාදෙන උපදෙස් යාවත්කාලීන කර ඇතැයි කියැවෙන සටහන් සමාජ මාධ්‍ය තුළ …

Uncategorized

අන්තර්ජාලය වසා දැමීමක් (Internet Shutdown) යනු කුමක්ද?

(දකුණු සහ අග්නිදිග ආසියාතික සිවිල් සමාජයන් සඳහා මාර්ගෝපදේශයකි) URL: https://engagemedia.org/2022/internet-shutdowns-south-southeast-asia/  ඩිජිටල්කරණයට ලක් වී ඇති වත්මන් සමාජය තුළ, අන්තර්ජාලයට ප්‍රවේශ වීම …

Fact Check

FACT CHECK : විෂාදය කියන්නේ බොරුවක් ද?

විෂාදය සම්බන්ධයෙන් මෙලෙස අලුත් වටයකින් කතාබහක් ඇති වූයේ ඇන්ඩෘ ටේට් නැමැත්තා මීට පෙර අවස්ථා කිහිපයකදී විෂාදය සම්බන්ධයෙන් පළ කළ අදහස් …

Fact Check

FACT CHECK : උප්පැන්න සහතික වෙනුවට මරණ සහතික අයදුම්පත් නිකුත් කළා ද?

“උප්පැන්න සහතික අයදුම්පත් අවසන් වී ඇති බැවින් මරණ සහතික අයදුම්පතෙහි උප්පැන්න බව සඳහන් කොට අවශ්‍ය තොරතුරු පුරවන්න”  යනුවෙන් සඳහන් කළ …