FACT CHECK : ශ්‍රී ලංකා රුපියල දුර්වලම මුදල් ඒකකය ද ?

“ලොව දුර්වලතම මුදල් ඒකකය බවට ශ්‍රී ලංකා රුපියල පත්වෙයි” යනුවෙන් පුවතක් මේ දිනවල ෆේස්බුක් (Facebook) වැනි සමාජ මාධ්‍යවල සංසරණය වන ආකාරය දක්නට ලැබුණි. එලෙස සංසරණය වූ සටහන්(Post) කිහිපයක තිර ඡායාරූප(Screenshots) කිහිපයක් පහතින් දක්වා ඇත.

මෙම පුවත සම්බන්ධයෙන් අප වැඩිදුර සොයා බැලීමක් සිදු කළ අතර එහිදී අනාවරණය වූයේ බ්‍රිතාන්‍යයේ ෆයිනෑන්ෂල් ටයිම්ස් (Financial Times) සඟරාව ශ්‍රී ලංකා රුපියල අවප්‍රමාණය වීම සම්බන්ධයෙන් වාර්තා කර ඇති බවයි.

ජනාධිපති ගෝඨාභය රාජපක්ෂ මහතා ප්‍රමුඛ ආණ්ඩුවට රටේ පවතින දේශපාලන සහ ආර්ථික අර්බුදය පාලනය කිරීමට නොහැකි වීම හේතුවෙන් දිනෙන් දින රුපියලේ අගය ඉතිහාසගත ලෙස  අවප්‍රමාණය වීම ශ්‍රී ලංකා රුපියල ලෝකයේ දුර්වලතම මුදල් ඒකකය වීමට හේතු වී ඇති බවත් රුසියානු-යුක්රේන අර්බුදය හමුවේ රුසියානු රූබල් මුදල් ඒකකය අවප්‍රමාණය වී තිබෙනවාට වඩා ශ්‍රී ලංකා රුපියල අවප්‍රමාණය වී ඇතැයි එම පුවත්පත පෙන්වා දී ඇත. 

ෆයිනෑන්ෂල් ටයිම්ස් (Financial Times) සඟරාව විසින් ශ්‍රී ලංකා රුපියල අවප්‍රමාණය වීම සම්බන්ධයෙන් දක්වා ඇති වාර්තාවට, මෙතැනින්

ඇත්තට ම රුපියලට මොකද වුණේ?

“ලොව දුර්වලතම මුදල් ඒකකය ශ්‍රී ලංකා රුපියල වෙලා” ,”රුපියල අවප්‍රමාණය වෙලා” ආදී වශයෙන් මේ දිනවල හැමෝම කතා බහ කරන අවප්‍රමාණය වීම කියන්නේ ඇත්තටම මොකක්ද? 

කිසියම් රටක ව්‍යවහාරික මුදල් ඒකකයක් ( ශ්‍රී ලංකා රුපියල) විදේශ රටක ව්‍යවහරික මුදල් ඒකකයක් සමඟ (උදාහරණයක් ලෙස ඇමරිකානු ඩොලර්)  හුවමාරු වන අනුපාතය එරට විදේශ විනිමය අනුපාතය වන අතර විදේශීය මුදල් ඒකකයකට ගෙවිය යුතු දේශීය මුදල් ප්‍රමාණය ඉහළ යාමක් මුදල් අවප්‍රමාණයක් ලෙස සරලව හැදින්විය හැකිය. (උදාහරණයක් ලෙස ඇමරිකානු ඩොලරයකට ගෙවිය යුතු ශ්‍රී ලංකා රුපියල් ප්‍රමාණය ඉහළ යාම)

ශ්‍රී ලංකා රුපියල ඇමරිකානු ඩොලරයට සාපේක්ෂව 2015 සිට මේ දක්වා අවප්‍රමාණය වුණු ආකාරය පහත දැක්වෙන වගුව මඟින් අවබෝධ කර ගත හැකිය.

දිනයඇමෙරිකානු ඩොලරයක රුපියල් අගය  ගැනුම් අනුපාතය (රුපියල්වලින්)විකුණුම් අනුපාතය (රුපියල්වලින්)
2015-01-01131.09130.56133.37
2016-01-01144.07141.97146.19
2017-01-02149.97147.93151.67
2018-01-02153.46151.42155.23
2019-01-01182.91180.66184.63
2020-01-01181.50179.48183.15
2021-01-01189.80184.98189.80
2022-01-03200.43224.88233.72
2022-04-08310.88310.88321.49
2022-04-22334.80327.50339.99

(ශ්‍රී ලංකා මහ බැංකුව) 

ශ්‍රී ලංකා මහා බැංකු වාර්තාවලට අනුව, ජනවාරි 1 වැනිදා සිට අප්‍රේල් 22 වැනිදා දක්වා කාලය තුළ ඇමෙරිකා එක්සත් ජනපද ඩොලරයට සාපේක්ෂව ශ්‍රී ලංකා රුපියල සියයට 40.1කින් අවප්‍රමාණය වී ඇත. 

වසර 2019 ජූනි මාසයේ සිට ශ්‍රී ලංකාවේ දළ නිල විදේශ සංචිත ප්‍රමාණය අඛණ්ඩව අඩු වෙමින් තිබේ. 

2019 වසර අවසන් වනවිට ශ්‍රී ලංකාව සතුව තිබූ භාවිත කළ හැකි විදේශ සංචිත ප්‍රමාණය ඇමෙරිකානු ඩොලර් මිලියන 7,642 (බිලියන 7.642) කි

2021 අවසන්  වනවිට එය ඇමෙරිකානු ඩොලර් මිලියන 1,579ක් දක්වා අඩු වී ඇත (ඇමෙරිකානු ඩොලර් බිලියන 1.579). වෙරීටේ රිසර්ච් (Verité Research) ඇසුරිනි. 

මේ වසරේ (2022) ජනවාරි මාසය වනවිට ශ්‍රී ලංකාව සතුව තිබූ භාවිත කළ හැකි විදේශ විනිමය සංචිතය ඇමෙරිකානු ඩොලර් මිලියන 792ක් විය. වෙරීටේ රිසර්ච් (Verité Research) ඇසුරිනි. 

මාර්තු මස 31 වැනිදා වන විට විදෙස් සංචිත තත්ත්වය – ශ්‍රී ලංකා මහ බැංකුව 

ශ්‍රී ලංකා මහ බැංකුවේ වාර්තාවලට අනුව මාර්තු මාසය අවසන් වන විට ශ්‍රී ලංකාව සතුව ඇති නිල සංචිත වත්කම්වල වටිනාකම ඇමෙරිකානු ඩොලර් මිලියන 1938.7 (ඇමෙරිකානු ඩොලර් බිලියන 1.93) කි. එයින් විදේශ විනිමය සංචිත ප්‍රමාණය ඇමෙරිකානු ඩොලර් මිලියන 1,723.6 (ඇමෙරිකානු ඩොලර් බිලියන 1.72). 

ශ්‍රී ලංකා මහ බැංකුව අප්‍රේල් 8 වැනිදා නිකුත් කරන ලද සතිපතා දර්ශක ඇසුරිනි. 

නිගමනය : ෆයිනෑන්ෂල් ටයිම්ස් (Financial Times)  වාර්තාවට අනුව ශ්‍රී ලංකාවේ රුපියල ලොව දුර්වලම මුදල් ඒකකය යි. 

ශ්‍රී ලංකා මහ බැංකුවේ දත්තවලට අනුව ජනවාරි 1 වැනිදා සිට අප්‍රේල් 8 වැනිදා දක්වා කාලයේ දී ඇමෙරිකා එක්සත් ජනපද ඩොලරයට සාපේක්ෂාව ශ්‍රී ලංකා රුපියල සියයට 40.1 කින් අවප්‍රමාණය වී ඇත. 

මේ සියලු කරුණු සැලකිල්ලට ගැනීමේ දී ශ්‍රී ලංකා රුපියල වාර්තාගත ලෙස අයුරින් අවප්‍රමාණය වී ඇතැයි ප්‍රකාශ කළ හැක. 

හෑෂ්ටැග් පරපුර   මීට පෙර කළ කරුණු පරීක්ෂා කිරීම්වලට මෙතැනින් පිවිසෙන්න.  fact check.

Share this post

Related Projects

Fact Check

FACT CHECK : රාජ්‍ය නිලධාරීන්, දේශපාලඥයන් විශ්වාස නැති නිසා ලෝක බැංකුව සෘජුවම දිළිදු සහන බෙදයි ද?

“නිලධාරීන් දේශපාලනඥයන් විශ්වාස නැති නිසා ලෝක බැංකුව සෘජුවම දිළිදු සහන බෙදයි” යන සිරස්තලය යටතේ සැත්තැම්බර් මස 04 වන දින ඉරිදා …

Fact Check

FACT CHECK : ஏப்ரல் மாதத்தில் இலங்கைக்கு 129,000 சுற்றுலாப் பயணிகள் வந்தார்களா?

“கடந்த ஏப்ரலில் மாத்திரம் எங்கள் சுற்றுலாப் பயணிகளின் வருகை 129,000 இருந்தது” என ஆகஸ்ட் 25ஆம் திகதி நாடாளுமன்ற உறுப்பினர் எஸ்.பி.திஸாநாயக்க தெரிவித்த கருத்து பொய்யானது. கடந்த …

Fact Check

FACT CHECK : අප්‍රේල් මාසයේ දී ශ්‍රී ලංකාවට   සංචාරකයන් එක්ලක්ෂ විසිනමදාහක්?

“පහුගිය අප්‍රේල්වල අපේ සංචාරකයන්ගේ පැමිණීම එක්ලක්ෂ විසිනමදාහක් වුණා. අප්‍රේල්වල විතරක්” යැයි පාර්ලිමේන්තු මන්ත්‍රී එස්.බී.දිසානායක මහතා අගෝස්තු 25 වැනිදා කරන ප්‍රකාශය …

Fact Check

FACT CHECK : அவசரகாலச் சட்டம் இலங்கையில் உள்ள LGBTIQ+ சமூகத்திற்கு அச்சுறுத்தலாக இருந்ததா ?

பதில் ஜனாதிபதியாக நியமிக்கப்பட்ட ரணில் விக்கிரமசிங்க,விசேட வர்த்தமானியொன்றின் மூலம் கடந்த ஜூலை மாதம் 17ஆம் திகதி நாட்டில் அவசரகாலச் சட்டத்தை அமுல்படுத்தினார். குறித்த அவசரகால சட்டம் தொடர்பில் …

Fact Check

FACT CHECK : ශ්‍රී ලංකාව තුළ LGBTIQ+ ප්‍රජාවට හදිසි නීතිය තර්ජනයක් වුණා ද?

වැඩබලන ජනාධිපතිවරයා ලෙස පත් වූ රනිල් වික්‍රමසිංහ මහතා 2022 ජූලි 17 වැනිදා අති විශේෂ ගැසට් පත්‍රයක් මඟින් රට තුළ හදිසි …

Fact Check

FACT CHECK : Did the Central Bank Governor make a statement stating “Inflation is not a problem, it is the perfect solution”?

Sri Lanka is currently facing an acute economic crisis. One of the main issues is the high inflation. As announced …