FACT CHECK : රූපවාහිනියේ ලාංඡනයෙන් ඉංග්‍රීසි සහ දෙමළ භාෂා ඉවත් කළා ද?

මෙරට රාජ්‍ය රූපවාහිනි නාලිකාව වන රූපවාහිනියේ නිල ලාංඡනයෙන් දෙමළ භාෂාව ඉවත් කර ඇතැයි ප්‍රකාශයක් ට්විටර් (Twitter) සමාජ මාධ්‍ය ජාලය ඔස්සේ ප්‍රසිද්ධියට පත්ව තිබිණි. 

පෙබරවාරි මස (24) වැනිදා නිකුත් කෙරුණු ට්විටර් පණිවුඩයක් මෙම සංවාදයට මූලික වී තිබිණි. 

එම ට්විටර් පණිවුඩයේ තිර ඡායාරූපයක් (screenshot) පහතින් දැක්වේ. එම ට්විටර් පණිවුඩයට මෙතැනින්

ට්විටර් මෙන්ම ෆේස්බුක් සමාජ ජාලය තුළ මේ සම්බන්ධයෙන් කතා බහ ඇති වී තිබිණි. 

මේ සම්බන්ධයෙන් පළ වූ තවත් ට්විටර් (Twitter) පණිවුඩ කිහිපයක්. 

ෆේස්බුක් ඔස්සේ ද මේ සමබ්න්ධයෙන් කතාබහක් ඇති වී අයුරු නිරීක්ෂණ විය. 

මේ සම්බන්ධයෙන් ශ්‍රී ලංකා මිරර් (Sri Lanka Mirror) වෙබ් අඩවිය පළ කර තිබූ පුවත් වාර්තාවක්. මෙතැනින් 

ඒ සම්බන්ධයෙන් ම නිව්ස්19 වෙබ් අඩවිය පළ කළ ප්‍රවෘත්තිය ක්. මෙතැනින් 

අප මේ සම්බන්ධයෙන් රජයේ ප්‍රවෘත්ති දෙපාර්තමේන්තුවේ අතිරේක අධ්‍යක්ෂ ජනරාල් මිලින්ද රාජපක්ෂ මහතාගේ විමසීමක් කළ අතර නිල ලාංඡනයෙන් එලෙස දෙමළ භාෂාව ඉවත් කර ඇති බව හෙතෙම තහවුරු කළේ ය.

ශ්‍රී ලංකා රූපවාහිනි සංස්ථාවේ සිංහල මාධ්‍ය නාලිකාව රූපවාහිනිය බවත් නේත්‍රා නාලිකාව දෙමළ මාධ්‍ය නාලිකාව බවත් චැනල් අයි නාලිකාව ඉංග්‍රීසි මාධ්‍යමාධ්‍ය නාලිකාව බවත් ඔහු සඳහන් කළේ ය. 

අප මේ සම්බන්ධයෙන් ශ්‍රී ලංකා රූපවාහිනි සංස්ථාවේ සභාපති සොනාල ගුණවර්ධන මහතාගේ විමසීමක් කරන ලදි. 

“අපි දෙමළ භාෂාව පමණක් නෙවෙයි ඉංග්‍රීසි භාෂාවත් ඉවත් කර තිබෙනවා. 

මේක භාෂාවට අදාළ කාරණයක් නෙමෙයි. අපි ජාතික රූපවාහිනිය ඩිජිටල්කරණයට ලක් කරමින් ඉන්නවා. ඩිජිටල් මාධ්‍යයෙන් මේ ලාංඡනය දිහා බැලුවාම මේ කිසිම භාෂාවක් පේන්නේ නැහැ. 

මේ නිසා අපි මේ ක්‍රියාමාර්ගය ගත්තා. අධ්‍යක්ෂ මණ්ඩලයේ අනුමැතියත් ඊට ලැබුණා. අපි මේ සම්බන්ධයෙන් අමාත්‍යවරයාත් අමාත්‍යාංශයත් දැනුවත් කර තිබෙනවා. 

අපි භාෂා ත්‍රිත්වයෙන් නාලිකා ත්‍රිත්වයක් තිබෙනවා. ඒ නිසා සිංහල මාධ්‍යයෙන්  රූපවාහිනියත්, දෙමළ මාධ්‍යයෙන් නේත්‍රා නාලිකාවත් ඉංග්‍රීසි මාධ්‍යයෙන් චැනල් අයි නාලිකාවත් ක්‍රියාත්මක වෙනවා”. 

ශ්‍රී ලංකා රූපවාහිනි සංස්ථාවේ නියෝජ්‍ය අධ්‍යක්ෂ චන්දන සෙනෙවිරත්න මහතාගෙන් ද අප මේ සම්බන්ධයෙන් විමසීමක් කරන ලදි.  

ඔහු ලබාදුන් පිළිතුර පහතින් දැක්වේ.

“දෙමළ භාෂාව පමණක් නෙවෙයි ඉංග්‍රීසි භාෂාවත් ඉවත් කරලා තියෙන්නේ. පෙබරවාරි 22 වැනිදා සිට තමයි මෙය ක්‍රියාත්මක වෙන්නේ. 

අපි වෙනස්කම් කරමින් ඉන්නවා. අපිට භාෂා ත්‍රිත්වයට නාලිකා තුනක් තිබෙනවා. රූපවාහිනිය සිංහල මාධ්‍යයෙන් ද,  නේත්‍රා නාලිකාව දෙමළ මාධ්‍යයෙන් ද චැනල් අයි නාලිකාව ඉංග්‍රීසි මාධ්‍යයෙන් ද ක්‍රියාත්මක කිරීමට බලාපොරොත්තු වෙනවා. 

ඒ අනුව ලබන අප්‍රේල් මාසයේ සිට මේ සෑම නාලිකාවක්ම සම්පූර්ණයෙන් ම අදාළ මාධ්‍යයෙන් පමණක් ක්‍රියාත්මක කිරීමට අපි සැලසුම් කර තිබෙනවා.

සංඛ්‍යාත ආවරණය නොමැති නිසා චැනල් අයි සහ නේත්‍රා යන නාලිකා දෙක දැනට එකට ක්‍රියාත්මක වෙනවා.”

රූපවාහිනියේ 2022 පෙබරවාරි 21 රාත්‍රී 8  ප්‍රවෘත්ති විකාශය

රූපවාහිනියේ 2022 පෙබරවාරි 22 දහවල් 12.30 ප්‍රවෘත්ති විකාශය

රූපවාහිනියේ 2022 පෙබරවාරි 22 රාත්‍රී 6.50 ප්‍රවෘත්ති විකාශය 

රූපවාහිනියේ වෙබ් අඩවිය 

Channel Eye – චැනල් අයි නාලිකාවේ වෙබ් අඩවිය 

நேத்ரா அலைவரிசை – நேத்ரா tv – නේනේත්‍රා ටී.වී. නාලිකාවේ වෙබ් අඩවිය 

 නිගමනය : රූපවාහිනිය සිය නිල ලාංඡනයේ ඉංග්‍රීසි සහ දෙමළ භාෂා ඉවත් කර ඇති බවට වන ප්‍රකාශ සත්‍ය යි. 

අප,හෑෂ්ටැග් පරපුර විසින් මේ ආකාරයේ සිදුවීම් සම්බන්ධයෙන් මීට පෙර කරන ලද අනාවරණ ලිපි සදහා මෙතැනින් පිව්සෙන්න.

Share this post

Related Projects

Fact Check

FACT CHECK : රාජ්‍ය නිලධාරීන්, දේශපාලඥයන් විශ්වාස නැති නිසා ලෝක බැංකුව සෘජුවම දිළිදු සහන බෙදයි ද?

“නිලධාරීන් දේශපාලනඥයන් විශ්වාස නැති නිසා ලෝක බැංකුව සෘජුවම දිළිදු සහන බෙදයි” යන සිරස්තලය යටතේ සැත්තැම්බර් මස 04 වන දින ඉරිදා …

Fact Check

FACT CHECK : ஏப்ரல் மாதத்தில் இலங்கைக்கு 129,000 சுற்றுலாப் பயணிகள் வந்தார்களா?

“கடந்த ஏப்ரலில் மாத்திரம் எங்கள் சுற்றுலாப் பயணிகளின் வருகை 129,000 இருந்தது” என ஆகஸ்ட் 25ஆம் திகதி நாடாளுமன்ற உறுப்பினர் எஸ்.பி.திஸாநாயக்க தெரிவித்த கருத்து பொய்யானது. கடந்த …

Fact Check

FACT CHECK : අප්‍රේල් මාසයේ දී ශ්‍රී ලංකාවට   සංචාරකයන් එක්ලක්ෂ විසිනමදාහක්?

“පහුගිය අප්‍රේල්වල අපේ සංචාරකයන්ගේ පැමිණීම එක්ලක්ෂ විසිනමදාහක් වුණා. අප්‍රේල්වල විතරක්” යැයි පාර්ලිමේන්තු මන්ත්‍රී එස්.බී.දිසානායක මහතා අගෝස්තු 25 වැනිදා කරන ප්‍රකාශය …

Fact Check

FACT CHECK : அவசரகாலச் சட்டம் இலங்கையில் உள்ள LGBTIQ+ சமூகத்திற்கு அச்சுறுத்தலாக இருந்ததா ?

பதில் ஜனாதிபதியாக நியமிக்கப்பட்ட ரணில் விக்கிரமசிங்க,விசேட வர்த்தமானியொன்றின் மூலம் கடந்த ஜூலை மாதம் 17ஆம் திகதி நாட்டில் அவசரகாலச் சட்டத்தை அமுல்படுத்தினார். குறித்த அவசரகால சட்டம் தொடர்பில் …

Fact Check

FACT CHECK : ශ්‍රී ලංකාව තුළ LGBTIQ+ ප්‍රජාවට හදිසි නීතිය තර්ජනයක් වුණා ද?

වැඩබලන ජනාධිපතිවරයා ලෙස පත් වූ රනිල් වික්‍රමසිංහ මහතා 2022 ජූලි 17 වැනිදා අති විශේෂ ගැසට් පත්‍රයක් මඟින් රට තුළ හදිසි …

Fact Check

FACT CHECK : Did the Central Bank Governor make a statement stating “Inflation is not a problem, it is the perfect solution”?

Sri Lanka is currently facing an acute economic crisis. One of the main issues is the high inflation. As announced …