கொழும்பு உள்ள தனியார் வைத்தியசாலையொன்றில் விரைப்பைக் கடத்தல் இடம்பெற்று வருவதாக டிசம்பர் 2ஆம் திகதி “லங்காதீப” பத்திரிகை செய்தி வெளியிட்டிருந்தது. இதுகுறித்து தெரனா டிவி சேனல் டிசம்பர் 3ஆம் திகதி செய்தி வெளியிட்டது. பிரதான ஊடகங்கள் மூலம் இந்த வெளிப்பாட்டுடன், சமூக ஊடக பயனர்களிடையே இது தொடர்பாக நிறைய விவாதங்கள் நடந்தன.
ஸ்ரீலங்கா பொதுஜன பெரமுனவின் நாடாளுமன்ற உறுப்பினர் பேராசிரியர் சன்ன ஜயசுமண இந்த விரைப்பை கடத்தல் தொடர்பில் தெரிவித்த கருத்து சமூக வலைத்தளங்களில் பகிரப்பட்டு வருகின்றது. விந்தணுக் கடத்தலின் பின்னணியில் வைத்தியர் ஷாபியின் மனைவி இருப்பதாக பேராசிரியர் சன்ன ஜயசுமண அந்தக் குறிப்பில் குறிப்பிட்டுள்ளார். அத்துடன், தினமின நாளிதழ் இதனைத் தெரிவிக்கின்றது, என்பதைக் குறிக்கும் வகையில் அந்தச் செய்தியின் கீழ் பகுதியில் பத்திரிகையின் சின்னமும் பயன்படுத்தப்பட்டிருந்தது.
ஹேஷ்டேக் தலைமுறை இது தொடர்பாக மேலும் ஆராய்ந்தோம். அதனடிப்படையில் முதலில் தினமின நாளிதழின் சமூக ஊடகப் பக்கத்தின் ஊடாகவும், தினமின இணையத்தளத்தின் ஊடாகவும் இந்தச் செய்தி தெரிவிக்கப்பட்டுள்ளதா என்பதை முதலில் ஆராய்ந்தோம். மேலும் கடந்த வாரம் வெளியான தினமின பத்திரிகைகளையும் அவதானித்தோம். தினமின நாளிதழிலோ, தினமின இணையத்தளத்திலோ, தினமின சமூகவலைத்தள பக்கங்களிலோ அவ்வாறான எந்த ஒரு செய்தியும் பிரசுரிக்கப்படவில்லை எனத் தெரியவந்துள்ளது. இது தொடர்பில் தினமின பத்திரிகையின் பிரதம ஆசிரியர் திரு.காமினி ஜயலத்திடமும் நாங்கள் வினவினோம். அப்போது அவர், தினமின பத்திரிகையிலோ, தினமின இணையத்தளத்திலோ அவ்வாறான செய்திகள் எதுவும் வெளியாகவில்லை, என தெரிவித்தார்.
மேலும், இது தொடர்பில் நாடாளுமன்ற உறுப்பினர் பேராசிரியர் சன்ன ஜயசுமணவிடமும் வினவினோம். அப்போது அவர், தாம் இது போன்ற ஒரு அறிக்கையை ஒருபோதும் வெளியிடவில்லை என்றும், தன்னை சங்கடப்படுத்தும் வகையில் சிலர் சமூக வலைதளங்களில் இதுபோன்ற பொய்யான பதிவுகளை வெளியிடுவதாகவும் தெரிவித்தார்.
விந்தணுக் கடத்தலின் பின்னணியில் கலாநிதி சபியின் மனைவி இருப்பதாக பேராசிரியர் சன்ன ஜெயசுமண கூறியதாக சமூக வலைத்தளங்களில் பரவிவரும் செய்தி போலியானது.
ஹேஷ்டேக் ஜெனரேஷன் மூலம் மேலும் உண்மைச் சரிபார்ப்புகளுக்கு, இங்கே.
